web counter
LEXO PA REKLAMA!

SHKARKO APP

App Store
Google Play

Raporti/ Shqipëria me burime të panumërta, por në varfëri energjitike (FOTO)

14 Tetor 2016, 10:50, Aktualitet CNA

Shqipëria është një vend që ka burime të panumërta të energjisë, por renditet e fundit në rajon për përdormini e elektricitetit për frymë. Në raportin, që u prezantua dje, varfëria në sektorin e energjisë është një problem në rritje në vendet e Evropës Juglindore dhe rezulton me borxhe, shtëpi të ftohta dhe probleme shëndetësore, përcjell revista Monitor.

Studimi tregon se, për familjet shqiptare burimi kryesor i energjisë është elektriciteti (45%) dhe pasohet nga biomasa me 38%. Në raport cilësohet se Shqipëria ka një normë të lartë papunësie 19%. Në Shqipëri vetëm 40% e familjeve kanë pajisje elektrike për gatim, ngrohje të ujit apo të tjera pajisje që përdorin energjinë. 11.2% e familjeve nuk kanë paguar faturat e energjisë elektrike dhe 20.7% kanë ngrohje të papërshtatshme.

Në raport gjithashtu theksohet se, 12.5% e shtëpive në Shqipëri kanë mure, dysheme apo bodrume me lagështirë dhe 7.7% e tyre kanë një çati që rrjedh.

Varfëria e energjisë, në terma të përgjithshme, paraqet pamundësinë e një familje për të siguruar sasi të mjaftueshme të energjisë në shtëpi, për të mbajtur ngrohtë dhe për të ndriçuar mirë hapësirat e banesës në mënyrë të përshtatshme, të kenë përdorim të lehtësuar në një gamë të nevojshme të shërbimeve të energjisë, dhe të jenë në gjendje për të përballuar një sasi të mjaftueshme të energjisë për kërkesat e përditshme.





Lajmet e fundit nga