Alarm – Shifrat zyrtare, rritet numri i grave me kancer gjiri/ Shkak varfëria

4 Tetor 2016, 13:25, Aktualitet CNA

Në një deklaratë për shtyp deputetja e Albana Vokshi tha se ?shëndetësia falas? e premtuar gna kryeministri ka mbetur në letër edhe pse kanë kaluar tre vjet nga qeverisja e tij. Vokshi ngre shqëtësimin dhe njëkohësisht alarmin për rritjen e numrit të grave të prekura nga kanceri i gjirit. Ajo thekson se shkak është varëfëria, stresi e papunësia.

?Nga premtimi për ?shëndetësi falas?, pas tre vitesh qeverisje të Ramës, ka mbetur vetëm dosja voluminoze e korrupsiont dhe krimit në shëndetësi?ku një prej kapitujve është edhe Tetori ? muaji ndërkombëtar i sensibilizimit për luftën kundër kancerit të gjirit ku shifrat zyrtare vënë alarmin?Referuar statistikave zyrtare të Ministrisë së Shëndetësisë dhe ISHP, numri i rasteve të evidentuara me kancer gjiri është rritur ndjeshëm. Dy vitet e fundit kulmojnë me numrin më të lartë të diagonzave me tumor. E kjo, është e lidhur ngushtë më rritjen e varfërisë, stresit, papunësisë, ndotjes. Insituti i Shëndetit Publik raporton se në 2015 u diagnostikuan 16.106 burra, gra dhe fëmijë me tumor. 1192 pacientë më shumë se një vit më parë. Por një statistikë e tillë nuk e ka shqetësuar aspak koordininatorin e korrupsionit, i cili ka shkurtuar shtretërit në shërbimin onkologjik, duke iu mohuar kimioterapinë dhe duke i torturuar për vdekje mijëra pacientë?, shprehet Vokshi.

Sipas deklaratës së Vokshit ?Raportohet që prevalenca e kancerit të gjirit është më e larta ndër sëmundjet e tjera kanceroze me 23.6% të prekura. Cdo vit evidentohen më shumë se 500 raste të reja dhe humbin jetën rreth 300 gra prej kancerit të gjirit, por Qeveria po shëtit qyteteve me propagandën lëvizëse duke shpërdoruar fondet për shëndetin.?

Në këtë linjë deputetja demokrate ngre shqetësimin se ?Në Sherbimin e Onkologjisë në QSUT prej 4 muajsh nuk funksionon mamografia për ekzaminimin e kancerit të gjirit. Qindra gra udhëtojnë nga rrethet për një vizitë të specializuar, por shumica detyrohet të kthehet mbrapsht pa mundur të bëjnë asgjë për shëndetin e tyre. Historitë e vizitave në njësitë e mamografive të lëvizshme janë kthyer në përralla, pasi përgjigjia e analizave nuk vjen kurrë. Tallje e paprecedent kjo e Ramës dhe Beqajt me gratë dhe vajzat shqiptare të cilat në pritje të përgjigjes që nuk mbërrin kurrë mund edhe të jenë përkeqësuar apo edhe mund të kenë humbur edhe jetën?? /Citynews.al