web counter
LEXO PA REKLAMA!

SHKARKO APP

App Store
Google Play

132 vite burg për një bandë shqiptarësh që fuste kokainë në Britani

11 Shtator 2016, 11:15, Aktualitet CNA

Një 25 vjeçar shqiptar i quajtur Asmirald Miraka, është dënuar me 16 vite e 3 muaj burg për trafik të paligjshëm të kokainës në Mbretërinë e Bashkuar. Ai ka importuar miliona paund drogë të cilësisë së parë në Mbretërinë e Bashkuar, ndërsa lënda narkotike është shpërndarë kryesisht në Midlands.

Policia britanike vuri në pranga Mirakën së bashku me tre korrierët e tij shqiptarë. Ata kishin krijuar makina të përshtatura posaçërisht për të transportuar 1.5 milionë paund kokainë dhe heroinë rreth qytetit të Ëolverhampton dhe Nottingham.

Pjesë e rrjetit ishin edhe tre persona të tjerë, të gjithë prapa hekurave. Shqiptarët pjesë e rrjetit të Mirakës, ishin gjithashtu Desar Asllani, Arjol Cerriku dhe Aleks Asllani, të cilët shërbenin si korrierë.

Ata kishin hyrë në mënyrë të paligjshme në Britani të Madhe, duke shpërndarë disa kilogram kokainë në mes të muajit janar dhe korrik të vitit 2015.

Më shumë se 10 kg kokainë dhe heroinë u kapën së bashku me një pistoletë dhe armë gjahu, municione si dhe 100 000 paund para të gatshme.

Miraka i ndryshonte vazhdimisht telefonat celularë për të shmangur gjurmët, por zyrtarët duke përdorur taktika të fshehta monitoruan katër shqiptarët dhe tre shitësit e drogës në Midland.

Gjithsej, 13 persona janë dënuar nga drejtësia britanike.

Kështu, Miraka është dënuar me 16 vite e 3 muaj burg, Desar Asllani, 30-vjeç, është dënuar me 10 vite e 9 muaj burg, e po kaq është dënuar edhe Aleks Asllani, 28-vjeç si dhe Arjon Verriku, 30-vjeç. Të gjithë personat janë dënuar me mbi 132 vite burg gjithsej.

 





Lajmet e fundit nga