web counter
LEXO PA REKLAMA!

SHKARKO APP

App Store
Google Play

E fundit!

x

Rama: Hoqëm taksën e sheshtë, u rritën rrogat, s’ka mrekullira

30 Gusht 2016, 10:26, Aktualitet CNA

Në qendër të temës për ekonominë kryeministri Edi Rama në komunikimin e tij live në rrjetet sociale ka folur për rritjen e rrogave dhe pensioneve për të cilat nuk dha asnjë kohë apo shifër konkrete, madje theksoi se mrekullitë nuk bëhen sa hap e mbyll sytë. Sipas tij qeveria Rama ka rritur rrogat me heqjen e taksës së sheshtë.

?Do të punojmë intensivist që koha e rritjes së rrogave e pensiove të mos jetë e largët. Rrogat dhe pensionet është një shqetësim i parë dhe i gjithhershëm në çdo ditë të punës sime që të shkojmë drejt krijimit të kushteve për rritjen e rrogave dhe pensioneve. Administrojmë një shtëpi ku të gjithë mund të vihen në kushtet që të gjykojnë ku jemi për të rritur shpërblimin dhe rritjen e jetesës.

Me heqjen e taksës së sheshtë kemi rritur paratë që marrin qytetarët në xhep me 7%. Çdo kategori të bëjë llogaritë sa i linte shteti me taksën e shtetë dhe sa merr sot falë taksimit të ndershëm, ky është fakt.

Njerëzit që kanë mbështetur reformat edhe ata drejtpërdrejtë në çdo nivel e ndjejnë rezultatin. Do të punojmë intensivist që koha e rritjes së rrogave e pensiove të mos jetë e largët?, tha Rama.

Kryeministri tha se ekonomia ka njohur rritje por pranoi edhe faktin se ka të varfër, të cilëve këtë herë nuk I ofroi lugën bosh, por pranoi që këto janë mundësitë e qeveria nuk bën mrekullira.

?E nisëm me ekonominë që rritej mes 0 dhe 1 %, tani ajo është rrit 3%. Nëse jemi mes 3.2 dhe  3.4 jei mirë. Nuk mjafton për të ushqyer fëmijët, por s?ka mrekullira  që bëhen sa hap e mbyll sytë. Ai që i premton nuk i jep zgjidhje dhimbjes, por krijon precedentin për ta rritur?.

Nga ana tjetër kreu i qeverisë ka cekur edhe problemin e punësimit duke thënë se njerëzit nuk duhet të shohin vetëm shtetin si vend pune, por privation të parin. ?Shumë veta shohin vetëm shtetin si vend pune. Ne do të fokusohemi në rritjen e cilësisë së krahut të punës. Privati ka shumë oferta. Jo vetëm shteti për oferta pune, por privati i pari?. /Citynews.al

 

 





Lajmet e fundit nga