E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Dyshohet se ngatërruan shënjestër/Qëllohet për vdekje babai i dy fëmijëve në një resort turistik në Majorka

18 Gusht 2016, 12:05, Aktualitet CNA

Një turist, baba i dy fëmijëve, u qëllua për vdekje në sy të familjarëve të tij dhe disa turistëve të tjerë, pranë një resorti turistik në Majorka.

Policia spanjolle bën me dije se ka dyshime, që viktima të jetë ngatërruar me një kriminel irlandez.

Vrasësi e ka pritur atë sa ka dalë nga një restorant dhe në bashkëpunim me dy persona të tjerë, e ka vrarë.

Policia nuk e ka bërë të ditur identitetin e viktimës, për shkak të hetimeve.

Mediat ndërombëtare shkruajnë se viktima u qëllua me gjakftohtësi nga një person, i cili dukej se po e priste. Ambulanca ka shkuar në vendin e ngjarjes pas 25 minutash, ndërsa e gjithë zona e mbushur me turistë u përfshi nga kaosi.

Turistët e tjerë të pranishëm janë munduar të mbajnë në jetë viktimën, ndërsa të tjerë janë kujdesur për fëmijët e mitur.

Nga hetimet paraprake rezulton se viktima është qëlluar 4 herë në shpinë me armë zjarri, ndërsa mendohet se ai është ngatërruar me një kriminel irlandez, me të cilin kishte ngjashmëri të madhe. /citynews/