E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Lazarati bosh ruhet me armë, Shqipëria lulëzon nga hashashi dhe pret korrjet

17 Gusht 2016, 09:48, Aktualitet CNA

Zonat më problematike për mbjelljen e drogës në Shqipëri kanë qenë Lazarati, Lumi i Vlorës dhe Malësia e Madhe, kjo deri në vitin 2013, ose përpara operacionit policor në Lazarat.

Tani situata duket se është përmbysur. Lazarati është bosh, dhe ruhet me polici. Çudia e Lazaratit vazhdon. Fshati mbahet i rrethuar nën mbikqyrje të rreptë të policisë dhe atje nuk mbillet asnjë rrënjë po mbillet gjithë Shqipëria.

Nga ana tjetër nga fshati ka patur gjithmonë ankesa dhe denoncime lidhur me dhunë policore, presionin psikologjik, shpesh dhe fizik, të ushtruar ndaj banorëve. Nuk kanë munguar edhe denoncimet e lazaratasve për dëmtime të pronës nga ana e policisë. Kush mban përgjegjësi për terrorin dhe presionin mbi Lazaratin?

Absolutisht nuk duam t?i dalim në krah asnjë akti të kundraligjshëm, aq më pak mbjelljes së drogës, por, kur vetëm Lazarati mbahet i rrethuar dhe gjithë Shqipëria lulëzon nga hashashi, veprimi dhe mosveprimi janë një akt i qartë politik, ndërsa Lazarati thjesht trofeu me të cilin do të na verbojë përgjegjësi i kësaj pune.

Fshatrat ngjitur me Lazaratin, apo që i ndan një mal çdo ditë raportohen si zona droge, ndërsa Lazarati mbahet në ?konservë?, si për t?ju thënë ?të gjithë do mjellin e ju jo?. Thua se qeveria kërkon që gjithë Shqipëria të kapë normat e pakapshme historike të Lazaratit.

Drogë kudo, policia e lidhur me trafikantët thonë raportet ndërkombëtare, po mbillet në cdo cep të Shqipërisë. Lazarati ruhet me armë të mos mbjellë asnjë rrënjë, kurse diku jo shumë larg, armët i kanë në dorë banditët, që ruajnë fushat e drogës dhe ndajnë fitimet me policinë.

Lazarati nga ikona e mbjelljes së canabisit po kthehet në ikonën e antidrogës, por me jo pak pasoja mbi supe. /Citynews.al