E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zgjedhjet në Peshkopi, PD mbledh Grupin Parlamentar/Paloka: Nëse kandidati i PS hyn në fushatë me pisllëqe, do të marrë atë që meriton

15 Gusht 2016, 12:14, Aktualitet CNA

Partia Demokratike mblodhi Grupin Parlamentar për organizimin e fushatës në zgjedhjet e pjesshme që do të mbahen më 11 Shtator për Kryebashkiak të Peshkopisë. Kreu i Grupit Parlamentar të PD-së, Edi Paloka, deklaroi se në fushatën e 11 Shtatorit do të angazhohen të gjithë deputetët demokratë. ?Kjo mbledhje kishte qëllim jo vetëm informimin e grupit, por edhe të shihte gatishmërinë, sepse nuk është fushatë zgjedhjesh, por periudhë pushimesh dhe të gjithë rezultuan të gastshëm?, tha Paloka.

I pyetur mbi kandidatin e përzgjedhur nga PS për këto zgjedhje, mjekun Muharrem Rama, Paloka tha se nuk ka koment për figurën e këtij kandidati, por paralajmëroi se nëse do të hyjë në fushatë me poshtërsi dhe pisllëqe do të marrë atë që meriton. ?Do ta shohim sesi do të sillet në fushatët dhe nëse ai do të jetë pjesë e lojës së Edi Ramës për të marrë atë që nuk i takon, nëse do të hyjë me poshtërsi e pisllëqe në fushatë, natyrisht do marrë atë që meriton. Por, n nuk dua të paragjykoj, do ta shikojmë. Ky kandidat që përfaqëson PS-në, është koincidencë që ka mbiemrin Rama, por askush në Dibër nuk duhet të përfaqësojë më Ramën në pushtet.?, tha Paloka.

Deklarata e plotë e Edi Palokës

“I gjithë grupi është i gatshëm dhe do të angazhohet në fushatën e Dibrës, ku unë jam i bindur se ne do të fitojmë”, tha ai.

I pyetur nga gazetaret z. Paloka nuk ka komentuar kandidatin e paraqitur nga PS por ka shprehur bindjen se Sherefedin Shehu është kryebashkiaku që do të sjellë një jetë më të mirë për qytetarët e Dibrës që ndjehen të braktisur dhe të nëpërkëmbur nga qeverisja e Edi Ramës.

“Nuk kam ndonjë koment për kandidaturën e PS. Do ta shohim si do të sillet në fushatë, sepse për mua nuk ka rëndësi emri që ka krijuar deri më sot. Nëse ai do të jetë pjesë e lojës se Edi Ramës për të marrë atë që nuk i takon, nëse do të hyjë me poshtërsi dhe pisllëqe në këtë fushatë, sigurisht që do të marrë përgjigjen që meriton në çdo aspekt. Nuk dua të paragjykoj. Për ne ka rëndësi që dibranët të kenë përfaqësuesin që meritojnë dhe jo një përfaqësues të Edi Ramës. Ky që përfaqëson PS, nuk e di nëse është koiçidencë që e ka mbiemrin Rama, por për ne pak rëndësi ka. Askush nuk duhet të përfaqësojë më në Dibër Edi Ramën në pushtet.

Pyetje: Përse i gjithë ky investim i PD për zgjedhjet në Dibër?

Ky është një investim normal. Kemi fushatë vetëm në një zonë dhe sigurisht të gjithë do të angazhohen në atë zonë. Ju e dini shumë mirë që në raste të tilla shteti angazhohet me të gjitha forcat, siç po angazhohet edhe tani. Por nëse ata angazhohen me mënyra aspak legale dhe të arrëta, ne do të angazhohemi për të bërë një fushatë ashtu siç duhet të jetë fushata, siç duhet të jenë zgjedhjet, që qytetarët e Dibrës duhet të jenë të lirë dhe të japin votën për atë që mendojnë se duhet t?i drejtojë. Sigurisht jo për shukrinjtë e Ramës.

Pyetje: Gjatë prezantimit të z. Shehu për kryebashkiak, ju deklaruat se herën e fundit humbët për shkak të përçarjes së Partisë Demokratike. Si është struktura e PD tani? Dhe, fitorja mund të vijë falë Sherefedin Shehut apo punës së strukturave?

Sigurisht që Sherefedin Shehu është një figurë që meriton të gjithë vlerësimin e dibranëve dhe të strukturave të PD. Është një figurë që nderon Partinë Demokratike por edhe Dibrën. Struktura duhet të ndjehet mëse e kënaqur me kandidatin dhe jam i bindur që do të punojmë pa rezerva për ta çuar Sherefedin Shehun kryetar Bashkie. Përçarja e zgjedhjeve të fundit që ndikoi, solli në fakt humbjen e PD në zgjedhjet e fundit lokale në Dibër, mendoj që këtë herë nuk ka të njëjtat raporte midis strukturës së Partisë. Nëse dikush për arsye të tija personale dhe që mban nën vete emrin e funksionarit të PD, do të dalë kundër, atëherë do të trajtohet njëjtë si kundërshtari dhe të jetë i bindur që edhe përgjigjen do e marrë njëjtë si kundërshtarët.

Pyetje: Z. Paloka, zgjedhjet e PD në Dibër nuk kanë përfunduar. Madje ish-kryetari i PD-së, nuk ka qenë i pranishëm në prezantimin e z. Sherefedin Shehu.

Zgjedhjet në Dibër i pezullova unë. Sigurisht, jo me kokën time me vendim të kryesisë së PD. Meqënëse erdhi kjo situatë, ne pezulluam zgjedhjet në PD, të cilat do të zhvillohen pas fitores së Bashkisë Dibër dhe sigurisht kjo fushatë mund të na shërbejë që gjithsecili, nga anëtari më i thjeshtë deri tek funksionari më i lartë, të tregojnë se sa vlera kanë. Dhe vlerat më mirë se sa në një fushatë zgjedhore nuk ka ku t?i tregojnë. Kush do ta përjashtojë veten, kush do të largohet, apo ca më zi, kush dëshiron të rreshtohet në krahun e kundërshtarit, do të marrë përgjigjen si një kundërshtar i PD?.

Qytetarët e Dibrës do të tregojnë në këto zgjedhje, theksoi Paloka, mençurinë dhe qytetarinë e tyre, duke zgjedhur Sherefedin Shehun, si njeriun e punës, si kryebashkiak të tyre.

/citynews/