Zbardhet raporti i agjensive ligjzbatuese/Parcelat e kanabisit ruhen me dron, prodhimi mund të kalojë 1 mijë ton në vit

14 Gusht 2016, 14:33, Aktualitet CNA

Zbardhet detaje nga raporti i hartuar nga agjensitë ligjzbatuese në lidhje me parcelat me kanabis që shtrihen në pothuajse të gjithë territorin e vendit.

Burime nga këto agjensi bëjnë të ditur se dokumenti voluminoz është hartuar me bashkëpunimin e 3 agjensive ligjzbatuese, ku përfshihen edhe Gjermania dhe Italia.

Sipas këtij raporti, parcelat me kanabis në territorin shqiptar lokalizohen në 363 zona, ndërsa sasia që mendohet se prodhohet përgjatë 1 viti i kalon 1 mijë ton.

Pjesa më e madhe e lëndës narkotike trafikohet jashtë Shqipërisë, në rrugë detare dhe tokësore.

Burimet theksojnë se nga të dhënat rezulton se parcelat monitorohen në mënyrë të sofistikuar, ku përveç rojeve të armatosura, ato ruhen përmes dronëve apo kamerave të sofistikuara, të cilat përcjellin çdo filmim dhe fotografi të zonës në aparate celulare apo server, të cilat zotërohen nga personat e dyshuar si posejdues të këtyre parcelave.

Sipas raportit konfidencial, i cili ndodhet edhe në duart e Prokurorëve të Krimeve të Rënda, trafikantët bashkëpunojnë me drejtues lokalë dhe oficerë të Policisë, për të garantuar mbrojtjen e parcelave me drogë kundrejt pagesës prej 10 eurosh për rrënjë, ose duke dhënë si këmbim 30% të prodhimit në fund.

Në raport evidentohet se zonat e lumit të Vlorës, Tepelenës, Malësia e Dukagjinit, Fieri, Berati, Skrapari, Dibra, Kruja, Berati, etiketohen si territoret me sasinë më të madhe të bimëve narkotike.

Raporti evidenton se trafikantët janë kujdesur të sigurojnë fara kanabisi që sigurojnë rritje të shpejtë dhe me cilë- si. Siç vëren raporti, sasia e hashashit kalon në Perëndim, por duke ndryshuar edhe rrugët tradicionale.

Sipas hetimeve që janë kryer nga hartuesit e dokumentit, tonelatat me drogë ndjekin itinerarin: Shkodër ? Mali i Zi ? Serbi ? Hungari dhe më pas në Gjermani. Në tregjet perëndimore, marokenët janë drejtuesit kryesorë të trafikut dhe ata, sipas informacioneve, bashkëpunojnë ngushtë me grupet shqiptare.

Këto grupe shpërndajnë hashashin në Itali e Greqi, e më pas dhe në Holandë, Francë, Hungari, Çeki, Austri e Gjermani. /citynews/