E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Nis ndërtimi i rrjetit të ri të Ujësjellësit/Përfitojnë 700 banorë tek “Mylsym Shyri”

13 Gusht 2016, 12:30, Aktualitet CNA

Bashkia e Tiranës ka nisur punimet për ndërtimin e rrjetit të ri të Ujësjellësit nga i cili përfitojnë 700 banorë pranë zonës së ?Mylsym Shyrit?.

Kryebashkiaku, Erion Veliaj, gjatë inspektimit të punimeve theksoi se në këtë zonë do të ketë edhe investime të tjera siç janë ato në infrastrukturë, ndërkohë që u bëri apel qyetarëve që të jenë të rregullt me pagesat e faturave të ujit.

700 banorë në rrugën ?Besim Imami? banorë pranë zonës së ?Mylsym Shyrit?në kryeqytet tashmë nuk do të përballen më me mungesën e furnizimit me ujë.

Kjo falë Bashkisë së Tiranës, e cila ka mundësuar ndërtimin e rrjetit të ri të Ujësjellësit.

Për të inspektuar nga afër punimet ishte kryebashkiaku Erion Veliaj, i cili theksoi se një zonë kaq afër qendrës së Tiranës prej vitesh ka vuajtur mungesën e furnizimit me ujë, ndërkohë që bëri me dije se Bashkia ka nisur transformimin e zonës.

?Bashkia, qeveria, qyteti, duhet të investojë aty ku edhe qytetarët janë më korrektë. Ndaj edhe më vjen mirë që u jemi përgjigjur qytetarëve korrektë të kësaj lagje, që kanë kryer të gjitha pagesat ndaj Bashkisë, me investimin përkatës, në mënyrë qe çdo qytetar të shohë se si ato taksa modeste përkthehen menjëherë në investime tek lagjja e territori i vet.Është hera e parë që kemi një ndërmarrje e cila del nga humbjet. UKT nuk ka më humbje, të paktën financiare, edhe pse ka ende shumë humbje në sasi uji. Do të thotë që në çdo investim të ri shmangim çarjet, shpimet që janë bërë në rrjetin ekzistues, për t?u siguruar që uji shkon së pari me presion dhe me orar më të zgjatur aty ku paguhet plotësisht dhe pastaj sigurisht do ndihmojmë edhe gjithë të tjerët?, tha Kryebashkiaku.

Veliaj u bëri apel qytetarëve që të jenë korrekte me pagesat e ujit, por nëse konsumatorët nuk kanë mundësi të shlyejnë njëherësh detyrimet mund ta bëjnë këtë me këste.

?Vetëm vitin e fundit ne kemi shkuar në një mesatare të furnizimit të qytetit nga 7-8 orë në ditë, në 12-13 dhe disa raste 14 orë. Dy-tre projekte pilot po funksionojnë me 24 orë, por që të shkojmë tek e gjithë Tirana me ujë 24 orë, duhet që qytetarët të bëjnë pagesat në kohë të ujit. Ata që janë më të vonuar dhe janë debitorë në kohë të gjatë, duhet të përfitojnë nga oferta e UKT, për të paguar vetëm 2000 lekë në muaj, si një mënyrë për të filluar gradualisht të ulin debinë, për të shmangur kamatë-vonesat dhe për t?u siguruar që janë në rregull me Bashkinë, që pastaj të kenë mundësi dhe të kërkojnë investime edhe në lagjen e tyre?, theksoi ai.