web counter
LEXO PA REKLAMA!

SHKARKO APP

E fundit!

x

Demarkacioni, sipas planeve zhvillimore të komunave kufitare

13 Gusht 2016, 09:48, Aktualitet CNA

Komisioni shtetëror për shënimin e kufirit me Malin e Zi, në Kosovë ka deklaruar se demarkacioni do të bëhet sipas planeve zhvillimore të komunave kufitare. Ky komision ka vënë theksin në faktin se kryetarët e komunave kufitare, nuk kanë pasur vërejtje kur kanë miratuar planet zhvillimore me vijat administrative të komunave të tyre dhe se ato vija administrative janë në përputhje me vijën kufitare me Malin e Zi të përcaktuar nga ky komision.

Por pas kësaj kanë ardhur kundërshtimet e para nga ish-kryetari i Komunës së Pejës, Ali Lajçi, i cili ka sqaruar se nuk është çështje e njëjtë përcaktimi i kufirit shtetëror me Planin zhvillimor të një komune, shkruan Koha Ditore.

Sipas Lajçit, në Planin zhvillimor të komunës përcaktohet vetëm prona komunale, por në hapësirë të komunës mund të këtë edhe tokë e cila administrohet nga ministritë përkatëse e që nuk përcaktohet në këtë plan.

Ekspertët e shënjimit të kufirit kontestojnë dokumentacionin e Agjencisë Kadastrale të Kosovës. Çfarëdo përcaktimi i kadastrave, duke u bazuar në dokumentet e kësaj agjencie, sipas tyre, është i paqëndrueshëm, pasi që kontestojnë saktësinë e këtyre dokumenteve. /Citynews.al





Lajmet e fundit nga