E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Braçe padit Palokën për shpifje/Do të publikoj dosje sekrete mbi lidhjen e një trafikanti droge me 3 deputetë

11 Gusht 2016, 07:41, Aktualitet CNA

Deputeti socialist Erjon Braçe paralajmëron publikimin e një dosjeje mbi lidhjet e një trafikanti droge me politikanë shqiptarë, 3 prej të cilëve janë sot deputetë.

Braçe ka reaguar ndaj akuzave të bëra dje nga Kryetari i Grupit Parlamentar demokrat Edi Paloka, i cili denoncoi disa drejtues policie si të lidhur me kultivimin dhe trafikun e lëndëve narkotike.

Mes emrave të përmendur, Paloka akuzoi deputetin e PS-së se ka njohje me shefin e komisariatit të Burrelit, Henrigert Mitri, i cili sipas PD menaxhon mbi 40 mijë rrënjë kanabis.

?Kam vendosur ta padis këtë shpifës banal; të vi në gjykatë dhe të provojë çdo shpifje ndaj meje. Shprehja, “unë thjesht e lexova si ma dhanë”, nuk tolerohet më?, shkruan Braçe në rrjetet sociale, duke paralajmëruar në vazhdim për një dosje sekrete për lidhjet e një trafikanti droge me politikanë shqiptare, tre prej të cilëve në Kuvend sot, por gjithsesi nuk pranon që të përmendë emra konkretë për momentin duke iu referuar opozitës.

?Unë nuk kam shpifje në fakt, unë kam dosje, dosje të operativëve të shërbimeve policore dhe shërbimit sekret për lidhjet e një trafikanti droge me politikanë shqiptarë, tre prej të cilëve në Kuvend sot?, shkruan Braçe.

Deputeti i PS-së deklaron se mbase është më mirë që dosjen me emrat konkretë ta publikojë kur të përballet me Edi Palokën në Gjykatë.

?U bë e disata herë që Eduard Paloka, një shpifës banal dhe i dënuar për shpifje, përmend emrin tim duke më lidhur këtë here me drogën. Ka një popull të tërë që më njeh dhe e ndan fare mirë, thjesht edhe duke na pare se kush ka lidhje me hashashin, heroinën, kokainën, alkoolin, makinat e vjedhura, paratë e pista, tritolin e të tjera, unë apo Paloka. Ndaj s?më shqetëson kjo. Më shqetëson llumi që Eduard Paloka dhe një çetë kriminale në PD hedh mbi këdo, pa u menduar fare dhe me një guxim të vërtetë kriminal, pa asnjë provë?, shkruan Braçe në reagimin e tij në rrjetet sociale.

/citynews/