web counter
LEXO PA REKLAMA!

SHKARKO APP

App Store
Google Play

E fundit!

x

Kampingu i Jalës, LSI publikon videon/A do të përplasen të rinjtë e LRI me ato të FRESSH-it

9 Gusht 2016, 21:53, Aktualitet CNA

LSI dhe LRI kanë publikuar një video mbi kampingun e Jalës, në të cilin rreth 1700 të rinj janë të ftuar për të qenë pjesëmarrës në eventin e përvitshëm që do të mbahet këtë vit në datat 21-27 Gusht.

Por në datën 25 Gusht, FRESSH-I ka organizuar aktivitetin e tij po në Jalë ku janë thirrur për të marrë pjesë 1000 të rinjë dhe të reja që mbështesin Partinë Socialiste.

Të dyja partitë pretendojnë se kanë përcaktuar datat prej muajsh, por nisur edhe nga përplasjet e ditëve të fundit mes drejtuesve të forumeve rinore të dy partive që janë në aleancë me njëra-tjetrën, mund të ndodhë që në ditët e kampingut të ketë edhe përplasje.

Kjo për vetë faktit se pavarësisht se dy partitë po bashkëqeverisin vendin, raportet mes dy drejtuesve të tyre, Kryeministrit Edi Rama dhe Kryetarit të Kuvendit, Ilir Meta, janë në pikë kritike.

Ndoshta organizatorët mund të kishin shmangur praninë e të rinjve të dy forumeve rinore, duke shmangur çdo incident të mundshëm, por tashmë që datat janë bërë publike, i mbetet të marrin masa dhe të ulin tensionet.

Në anën tjetër as LRI me LSI dhe as PS me FRESSH nuk kanë publikuar kostot financiare mbi kampingun, ku të rinjtë kanë cdo gjë të paguar. Gjithashtu nuk janë deklaruar as sponsorat e një eventi të tillë. /citynews/





Lajmet e fundit nga