web counter
LEXO PA REKLAMA!

SHKARKO APP

App Store
Google Play

Vendimi/Trajtim të veçantë për drejtuesit e policisë, çfarë përfitojnë

3 Gusht 2016, 15:58, Aktualitet CNA

Qeveria miratoi vendimin për një trajtim të veçantë të Drejtorit të Përgjithshëm të Policisë së Shtetit pas përfundimit të detyrës.

Kështu vendimi parashikon ruajtje të afërt fizike, me shoqërues personal, për 2 vjet.

Shoqëruesi, që merret me ruajtjen e ish-Drejtorit të Policisë së Shtetit, është punonjës i strukturave policore për mbrojtjen dhe sigurimin e personave me cilësi të veçanta.

Policia e Shtetit merr përsipër caktimin e automjetit, të limitit të furnizimit me karburant dhe riparimin e saj.

Kur paraqiten rrethana që rrezikojnë jetën e tij dhe të familjes, i sigurohen pjesëtarët e familjes dhe banesa, për aq kohë sa ekziston ky rrezik.

Ish-Drejtori i Policisë së Shtetit, në rast sëmundjeje, brenda 2 (dy) viteve pas lirimit nga detyra, përfiton trajtim financiar për kurim në institucionet e kujdesit shëndetësor në vend ose jashtë vendit. Shpenzimet për kurim në masën 100 për qind përballohen nga fondet e Policisë së Shtetit.

Drejtori i Policisë, pas përfundimit të afatit të qëndrimit në detyrë, në interes të shërbimit të rendit e të sigurisë publike, mund të kryejë funksione të këshilltarit të personave që kryejnë funksione kushtetuese apo funksione të tjera këshillimore ose pedagogjike.





Lajmet e fundit nga