web counter
LEXO PA REKLAMA!

SHKARKO APP

App Store
Google Play

Goditja me snajper në Vaqarr/Hetuesit, dyshime se autorët janë informuar nga një guardian

2 Gusht 2016, 09:23, Aktualitet CNA

 

Grupi hetimor që po heton ngjarjen e ndodhur në burgun e Vaqarrit, ku një prej të dënuarve u plagos pasi u qëllua me armë zjarri nga ambientet e jashtme të burgut, teksa ishte në ajrim, dyshon se atentatorët kanë pasur lidhje ose informacione nga një prej gardianëve të institucionit të vuajtjes së dënimit.

Hetuesit dyshojnë se informacioni që i është dhënë atentatorëve ka pasur të bëjë me oraret e daljes së shënjestrës së tyre në ajrim.

Për këtë grupi hetimor po verifikon thirrjet telefonike mes dy personave të arrestuar si të dyshuar në lidhje me atentatin, por edhe për thirrjet telefonike që mund të jenë bërë nga brenda burgut.

Pasditen e 30 korrikut, një i dënuar u plagos në këmbë nga një snajper që qëlloi nga kodra përballë burgut. Dyshimet se Lili Dulaj u qëllua gabimisht u provuan një ditë më pas kur u arrestuan autorët e ngjarjes.

Ergys Kolaveri dhe Enea Daci synonin ekzekutimin e vrasësit të vëllait të Ergysit, i dënuari që quhej Gazmir Daci. /citynews/

 





Lajmet e fundit nga