web counter
LEXO PA REKLAMA!

SHKARKO APP

App Store
Google Play

Meidani kryeministër/ Pse hesht dhe shmanget Ben Blushi

1 Gusht 2016, 16:22, Aktualitet CNA

Deputeti socialist Ben Blushi ka shmangur komentet dhe ka heshtur në lidhje me kandidaturën e ish-Presidentit Rexhep Meidani për postin e Kryeministrit të vendit, në rast të një Qeverie teknike.

Mediat raportuan se Blushi do të ishte pjesë e takimit, por përfundimisht ai nuk iu bashkua takimit ku ishin të pranishëm Kryetari i Kuvendit, Ilir Meta, ish-Presidenti Rexhep Meidani dhe ish-deputeti socialist Koço Kokëdhima.

Kjo mungesë e Blushit, për të cilin u tha se do të ishte pjesë e takimit, ose nuk do të identifikohet si pjesë e aleancës Meta-Kokëdhima, ose është më afër Edi Ramës.

Ndoshta kjo është skema që po përdor deputeti i PS-së Ben Blushi duke i lënë palët politike të zihen apo pajtohen dhe më pas ai të jetë zgjidhja dhe alternativa.

Ben Blushi ka deklaruar kohë përpara se Rilindja ka vdekur, përpara se të fliste Ilir Meta apo Koço Kokëdhima të cilët duket të jenë në një betejë inatesh.

Ndërsa në një situatë të tillë, Ben Blushi është i vetmi  parimor në betejën politike. /citynews/

 





Lajmet e fundit nga