E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Burgu i Shën Kollit përplas institucionet e LSI me PS/ISHTI të bëjnë raportin, jo të dalën në media

1 Gusht 2016, 10:35, Aktualitet CNA

Ngjarja e ndodhur në burgun e Shën Kollit në Lezhë, ku shumbi jetën një prej të burgosurve dhe u lënduan disa të tjerë, vijon të prodhojë përplasje mes institucioneve shtetërore.

Shkak është se disa prej këtyre institucioneve drejtohen nga përfaqësues të LSI-së, si në rastin konkret Ministria e Drejtësisë dhe Drejtoria e Përgjithshme e Burgjeve, ndërsa Inspektoriati Shtetëror Teknik, i cili doli në konkluzionin se në burg nuk kishte shpërthim bombule, drejtohet nga PS. Përplasjet nisën dje, pak orë pas ngjarjes, por vijojnë edhe sot.

Ministri i Drejtësisë Ylli Manjani pasi falenderon ISHTI-n, ironizon se më në fund shqiptarët mësuan se ekziston edhe ky inspektoriat. Në vijim Manjani shprehet se vendi ngjarjes është krejt tjetër nga ai i inspektuar nga ISHTI, ndërsa fton këtë institucion të bëjë detyrën dhe jot ë bëjë deklarata.

Komenti i plotë i ministrit Ylli Manjani

Tani që Prokuroria ka një panoramë të plotë mbi ngjarjen e Shënkollit, është momenti të analizohet ngjarja dhe të nxirren përgjegjësitë administrative. Është gjithashtu momenti të merren masa për riparimin e dëmeve të ardhura.

Ndërkohë që po bëhet kjo analizë dua të sqaroj se:
1. Nuk ka asnjë dyshim se Administrada e Burgjeve ka për detyrë të ruajë jetën dhe shëndetin e cdo të paraburgosuri dhe të dënuari në sistemin penitenciar. Prandaj i kërkova Drejtorit të Përgjithshëm të Burgjeve marrjen e masave ekstreme.
2. Durimi që treguam për të pritur konkluzionet e Prokurorisë ishte shumë më me vlerë sesa nxitimi për të bërë lajme me konkluzione pjesore që vijnë ose nga paniku, ose nga protagonizmi. Me këtë rast më vjen mirë që publiku njohu edhe një Inspektoriat që megjithse skishte lidhje me kqyrjen e vendit të ngjarjes, nxitoi të raportonte se depozita e naftës që është jashtë murit nuk kishte shpërthyer? E falenderoj për konstatimin, por vendi i ngjarjes ishte diku tjetër dhe jo aty ku raportuan ata. Në cdo vendngjarje personat që janë prezent i cakton ligji dhe urdhëri i Prokurorit të Cështjes! Edhe në ato raste kur Prokurori thërret ekspertë të fushës (ISHTI nuk u thirr në këtë ngjare), detyra e tij (ekspertit) është të bëjë raport për Prokurorin dhe jo të dalë media me deklarata! Ky është ligji Procedural Penal!

Sidoqofte, Të presim masat që do merren nga Drejtori i Përgjithshëm i Burgjeve! Ndëshkimi administrativ do të jetë shumë i rreptë!

Prokuroria bën punën e saj në menyrë të pavarur nga masat administrative!