E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Përplasja Rama-Meta, në rrjetet sociale. Reagime dhe akuza/Spiropali: Ata që na tregojnë patriotizëm konsensual, mund të ishin në listat e zeza të SHBA

28 Korrik 2016, 12:24, Aktualitet CNA

Debatet dhe përplasjet mes Kryeministrit Edi Rama dhe Kryetarit të Kuvendit, Ilir Meta, të cilët janë bashkëdrejtues të koalicionit qeveritar, duket se janë zhvendosur edhe në rradhët e të rinjve të të dy forcave politike, PS dhe LSI.

Rrjetet sociale duket se janë fushë-beteja ku anëtarët e secilës force politike, megjithëse në një aleancë mes tyre, nuk kursejnë akuzat dhe lavdet për udhëheqësit e tyre politikë. Mes komenteve të shumta gjen akuza, kundërvënie, të cilat më së miri tregojnë se jo vetëm dashuria, por edhe qetësia është zhdukur mes dy partive që prej 3 vitesh qeverisin vendin. Në rrjetet sociale gjen pafund komente dhe foto me digjitura ironike që herë i drejtohen Ramës dhe herë tjetër Metës.

Autorët nuk janë nga rradhët e opozitës, por i përkasin anëtarësisë së dy partive. Ato të PS-së sulmojnë Metën, kundërpërgjigjia vjen menjëherë nga LSI. Tashmë palët po matin forcat në rrjetet sociale, por me ofrimin e zgjedhjeve parlamentare, duket se matja e forcave do të jetë në qendrat e votimit, numërimin e votave. Statuset e dy prej drejtuesve të të rinjve në PS dhe LSI tregojnë qartazi se në çfarë pike ka arritur përplasja.

Sekretarja për Rininë në PS, Elisa Spiropali, ironizonte deklaratën e Ilir Metës, në seancën e 21 Korrikut, kur tha se më të rëndësishëm se deputetët patriot, është konsensusi patriotik. Deklarata u bë në një kohë kur Kuvendi pritej të votonte reformën në drejtësi, më konkretisht ndryshimet Kushtetuese, ndërsa konsensusi i arritur ishte në prag të prishjes. ?Më falni, po unë kam shumë respekt për patriotët dhe e kam të pamundur t?i shoh Samiun e Abdylin, Ismail Qemalin apo Fan Nolin, si paraardhës të konsensusit të prodhuar nga trysnia ekstreme e superfuqive aleate, që shkoi deri në paralajmërimin publik të SHBAve për futjen në listën e zezë të Presidentit Obama të atyre që sot na tregojnë patriotizmin konsensual! Amerikanët thonë në këto raste: Give me a break! Shqiptarçe thuhet ndryshe, por s?kam konsensusin e partisë për të folur për këtë punë, kështu që po e lë me kaq?, ishte reagimi i Elisa Spiropalit në Facebook.

Por kundërpërgjigjia nuk ka vonuar nga Nënkryetari i LRI-së, Klevi Pojana. ?Thuaj asaj pispiruqes, se patriotizmin mua s?ma vodhi as italiani e as gjermani, na u bë kjo të tallet me ne dhe ma mbylli telefonin! Si thash dot që Elisa s?është më drejtoreshë, e ka lënë gjyshe, dha dorëheqjen për arsye ?patriotike?, s?ka ç?të të vjedhi më tani!?, ishte reagimi i Pojanës.

Komenti i Sekretares për Rininë në PS

?Nëse do ekzistonte konsensusi patriotik, atëherë nuk do ekzistonin patriotët! Patriotët çajnë male për të kaluar trenin e historisë dhe nuk bëhen mullar së bashku nga frika se i ha bajlozi i matanë oqeanit. Më falni, po unë kam shumë respekt për patriotët dhe e kam të pamundur t?i shoh Samiun e Abdylin, Ismail Qemalin apo Fan Nolin, si paraardhës të konsensusit të prodhuar nga trysnia ekstreme e superfuqive aleate, që shkoi deri në paralajmërimin publik të SHBAve për futjen në listën e zezë të Presidentit Obama të atyre që sot na tregojnë patriotizmin konsensual! Amerikanët thonë në këto raste: Give me a break! Shqiptarçe thuhet ndryshe, por s?kam konsensusin e partisë për të folur për këtë punë, kështu që po e lë me kaq?.

Komenti i Nënkryetarit të LRI

?Gjyshja më mori e gëzuar në telefon, më tha se ishte kënaqur që një vajzë e re kishte folur sot për patriotizmin! Ishte ndjerë e vlerësuar por nga vitet ndër supe, dëgjimi i është dobësuar dhe më tha t?i thoja se kush ishte!
I thashë se ishte Elisa, ajo bëri çmos që dhe anglezet e ardhur në dogana t?i shqiptarizonte, dhe ja doli!
Nënës i kishte mbetur si halë, një deklaratë e Elisës për çantën ?LV? që gjoja e kishte marrë te gabi dhe duke qenë se atje se kishte parë asnjëherë i hipën nervat, i kishte vënë vizën si gënjeshtare!
Thuaj asaj pispiruqes, se patriotizmin mua s?ma vodhi as italiani e as gjermani, na u bë kjo të tallet me ne dhe ma mbylli telefonin!
Si thash dot që Elisa s?është më drejtoreshë, e ka lënë gjyshe, dha dorëheqjen për arsye ?patriotike?, s?ka ç?të të vjedhi më tani!
Rri e qetë!

PS: Gjyshërit si gënjen dot, patriotizmin e kanë? . /citynews/