web counter
LEXO PA REKLAMA!

SHKARKO APP

App Store
Google Play

Fotot/ Skandali i Bashkisë Divjakë, ndërhyn në Parkun e Karavastasë në kundërshtim me ligjin

28 Korrik 2016, 06:01, Aktualitet CNA

Shoqata “AOS-Albanian Ornithological Society” ka akuzuar Bashkinë e Divjakës se pa asnjë leje mjedisore dhe në kundërshtim me të gjitha ligjet, ka instaluan në Parkun e Karavastasë makineritë për hapjen e një kanali lundrues përqark lagunës se Divjakës.

Përmes një deklarate të shpërndarë në rrjetet sociale, Shoqata bën me dije se ndërhyrja është planifikuar të kryhet në zonën më të brishtë të Parkut, në dunat ranore shumëshekullore, dhe vijat e ujit që e bëjnë Divjakën jo vetëm një perlë të natyrës shqiptare por edhe asaj botërore.

Denoncimi i plotë

Bashkia e Divjakës, pa asnjë Leje Mjedisore, pa kurrfarë Vlerësimi të Ndikimit në Mjedis dhe në kundërshtim me të gjitha Ligjet Mjedisore dhe Konventat Ndërkombëtare ku Shqipëria bën pjesë, ka instaluar në zemër të Parkut makineritë për hapjen e një kanali lundrues përqark lagunës se Divjakës.

Ndërhyrja është planifikuar të kryhet në zonën më të brishtë të Parkut, në dunat ranore shumëshekullore, dhe vijat e ujit që e bëjnë Divjakën jo vetëm një perlë të natyrës shqiptare por edhe asaj botërore.

Vendi ku dimërojnë me dhjetëra mijëra shpend, vendi ku folezojnë lloje të rralla e të mbrojtura botërisht sot kërcënohet nga papërgjegjshmeria e një institucioni që nuk pyet për ligjin.

Ndërsa inkurajojmë përpjeket e qeverisë shqiptare për përmirësimin e gjendjes natyrore të këtij Parku Kombëtar, AOS i bën thirrje gjithë institucioneve përgjegjëse, përkatësisht Inspektoriatit Shtetëror të Mjedisit dhe Pyjeve, Policisë së Shtetit, Agjensisë Kombëtare të Zonave të Mbrojtura, Ministrisë së Mjedisit dhe cdo institucioni me përgjegjësi ligjore të ndërhyjnë urgjentisht për të ndalur këtë masakër mjedisore të parathënë.

Komuniteti i OJF-ve mjedisore kombëtare dhe ndërkombëtare, e gjithë shoqëria civile dhe cdo qytetar shqiptar do tu jenë mirënjohës dhe do tu vijnë në mbështetje !!!





Lajmet e fundit nga