Igli Cara: Fatura e moskonsensusit mos t’i ngelet PD-së

19 Korrik 2016, 20:14, Aktualitet CNA

Deputeti demokrat Igli Cara është shprehur në mbledhjen e sotme të grupit parlamentar se fatura moskonsensusit për Reformën në Drejtësi mos t?i ngelet Partisë Demokratike.

Cara i është drejtuar Kryetarit të PD-së Lulzim Basha dhe deputetit Oerd Bylykbashi në cilësinë e të mandatuarve për të udhëhequr negociatat për Reformën në Drejtësi. “1 vit e gjysëm me pare, ju z. Basha dhe z.Bylykbashi u mandatuat për të udhëhequr negociatat pëe reformën në drejtësi me maxhorancën. Që nga ajo periudhë janë bërë ndryshime shumë pozitive, të cilat janë meritë e Partisë Demokratike dhe besoj ky grup parlamentar e njeh dhe vlereson. Siç na keni bërë me dije, sot dhe mbrëmë Edi Rama nuk lëshon dy elementë nje teknik e ne parimot, të cilat nuk mundet qe te permbysim cka eshte arrit deri tani.” është shprehur Cara.

Deputeti demokrat ka deklaruar se PD s’mund të mbajë faturën për reformën kur përgjatë gjithë procesit pengesa ka qenë Kryeministri Edi Rama. Cara ka shtuar se reforma duhet te kete dukshem kontributin e PD-së. “Nuk mund të lejojmë që dy elementë të rrëzojnë 99% të punës që kemi bërë. S?mund të mbajmë ne faturën për reformën kur përgjatë gjithë procesit pengesa ka qenë Edi Rama. Nga ju personalisht por edhe nga grupi parlamentar i Partisë Demokratike duhet gjetur mundësia që Ramës t?i zhvishet ky argument dhe reforma te kete dukshem kontributin tone.” mësohet të ketë thënë deputeti.

Cara ka deklaruar në mënyrë indirekte se Meta nuk duhet lejuar që të bëjë “babain e kombit”. “Përsa i takon çështjes së votimit të gjithë ne votojmë në të njëjtën linjë dhe sipas vendimit politik të grupit parlamentar të PD. Por ajo që unë shoh si shqetësim dhe që dua të investohemi është që fatura e mos konsensusit te dreitanishem të mos i ngelet Partisë Demokratike. Një tjetër çështje që më ka bërë përshtypje këto ditët e fundit, është se diskutimi për reformën në drejtësi është bërë tre polar, ndërkohë që më parë ishte dy polar. Në momentin që ky diskutim bëhet tre polar nuk mund të lejojmë që në momentin e fundit, dikush të beje” babain e kombit,” kur eshte pjese e mazhorances prej 3 vitesh.” ka thënë Cara në mbledhjen e grupit parlamentar të PD-së.