Ushtarakët: Qeveria nuk mbajti premtimet, mik te Kodheli për të marrë fletën e pushimit

17 Korrik 2016, 09:21, Aktualitet CNA

Ushtarakët kanë kritikuar qeverinë ?Rama? se nuk ka mbajtur premtimet lidhur me pensionet, statusin e ushtarakut dhe shërbimet e tjera të ndryshme. Akti normativ i qeverisë ?Berisha? të vitit 2009, sipas ushtarakëve, nuk është shfuqizuar plotësisht. Ashtu siç premtoi në 2013, qeveria aktuale u ka kthyer paratë e mbajtura si debitorë ushtarakëve, por nuk e ka çuar atje ku ishte masën e pensionit, nga 120 mijë lekë që është tani, në 180 mijë lekë. Presidenti i Shoqatës së Ushtarakëve në Rezervë, Thoma Konduri, në një prononcim për gazetën ?Sot?, ka deklaruar se qeveria aktuale nuk e ka mbajtur premtimin për rritjen e pensioneve, duke bërë që ushtarakët të vijojnë të trajtohen me masën e ulët të pensionit 120 mijë lekë dhe jo 180 mijë lekë, siç janë trajtuar para 2009. ?Para se të vendosej akti normativ, pensioni i parakohshëm ishte 180 mijë lekë dhe, qeveria aktuale nuk e ktheu aq sa ishte siç edhe na premtoi, por mbeti atje ku e vendosi qeveria ?Berisha?, te 120 mijë lekë. Por, tashmë nuk mbahen para, se ushtarakët nuk janë më debitorë. Ai u mbante para edhe gjoja sikur ishin debitorë nga diferenca e 60 mijë lekëve. Pra, ka mbajtur në fuqi ligjin e uljes së pensionit. Kryeministri Rama tha se do ta anulonte aktin normativ, por nuk e anuloi. Vetëm anuloi atë që na quanin debitorë?, deklaroi Konduri.

Ndërkaq, ushtarakët kanë të tjera probleme që qeveria aktuale premtoi se do t?ua zgjidhte. Ne kemi shumë pakënaqësi të tjera. ?Nuk zbatohet neni i statusit të ushtarakut; për asnjë nen të statusit të ushtarakut nuk ka vendim për t?u zbatuar?, deklaroi Konduri. Gjithashtu, ai tha ushtarakët, edhe ata në rezervë, kanë të drejtë të pushojnë, por te Ministria e Mbrojtjes duhet të fusësh miq që të marrësh fletën e pushimit. ?Ne të gjithë ushtarakët e liruar, që kemi ndërprerë karrierën ushtarake, ata dhe familjet e tyre kanë të drejtë të pushojnë në shtëpitë e pushimit. Nuk ka asnjë normë, asnjë ligj. Më përpara kishim një kuotë të caktuar që merrnin nga Ministria e Mbrojtjes për të pushuar. Na takonte 15 për qind e çdo turni me daljen e ligjit. Më pas u ndërpre dhe tani nuk na japin asgjë fare. Për 15- ditëshin që kaloi na dhanë një flet kampi. Këto fletë kampi jepen me miqësi; kush ka mik e merr, qoftë edhe nga ata që nuk kanë të bëjnë fare me ushtrinë. Ministria e Mbrojtjes paguan edhe për civila që nuk kanë lidhje me ushtrinë. Nuk ka asnjë vendim qeverie për transferimin e shërbimeve të Spitalit Ushtarak ndaj ushtarakëve. U tjetërsua spitali por nuk ka vendim për transferimin e shërbimeve?, tha Konduri për të përditshmen Sot.