web counter
LEXO PA REKLAMA!

SHKARKO APP

App Store
Google Play

Loja e Ilir Metës?/Takimi sekret Rama-Basha në Vjenë…

10 Korrik 2016, 11:08, Aktualitet CNA

Disa nga mediat raportuan mbi një takim sekret në Vjenë mes Kryeministrit Edi Rama dhe kreut demokrat Lulzim Basha.

Por në fakt mes Kreut të Qeverisë dhe atij të opozitës nuk ndodhi asnjë takim, për më tepër që lajmi i përhapur në disa nga mediat që kanë kontakte të afërta apo kontrollohen nga Ilir Meta u përgënjeshtrua pak minuta më pas.

Lajmi mendohet se është përhapur në kulmin e një sërë negociatash që po zhvillohen në Gjirin e Lalzit ku protagonist është Kryeparlamentari Meta. Ky i fundit ta takuar Koço Kokëdhimën, i cili shoqërohej nga një deputete socialiste.

Më pas takimet kanë vijuar me të tjerë politikanë, ndërsa mikpritës i kreut të LSI-së, ishte edhe Presidenti i Kosovës, Hashim Thaçi. Por duket se për të tërhequr vëmendjen nga takimet që po zhvillohen në Lalz, disa nga mediat pranë LSI-së, raportuan një takim në Vjenë mes Bashës dhe Ramës.

Informacioni ishte që si Basha dhe Rama udhëtonin me të njëjtin avion drejt Tiranës dhe me siguri Kryeministri dhe Kreu i PD-së do të gjenin mundësinë për tu takuar në mënyrë sekrete. Pak më pas lajmi i emetuar u përgënjeshtrua nga një tjetër media, po pranë LSI-së, e cila këtë rradhë i referohej burimeve pranë Bashës, mbi mohimin e takimit.

Nuk dihet nëse lajmi i dhënë kishte si qëllim krijimin e idesë se Basha dhe Rama takohen në mënyrë të fshehtë duke i bërë prapaskena Ilir Metës, apo thjesht synohej tërheqja e vëmendjes nga negociatat që po zhvillohen në Gjirin e Lalzit, të cilat mund të çojnë në një rrëzim të shpejtë të Qeverisë Rama. /citynews/





Lajmet e fundit nga