web counter
LEXO PA REKLAMA!

SHKARKO APP

App Store
Google Play

E fundit!

x

Vjen telefoni i pathyeshem/Samsung Galaxy S7 Active

9 Qershor 2016, 04:23, Tech CNA

Të gjithë jemi dakord, se dy gjërat kryesore që i duam te një smartfon, janë një ekran i fortë, i cili nuk thyhet dhe një bateri, e cila qëndron sa më gjatë që të jetë e mundur. Pas testimeve të bëra, mund të themi se smartfoni ?Samsung Galaxy S7 Active? shkëlqen në këto dy aspekte. Por, edhe kjo e ka çmimin e vet. ?Samsung Galaxy S7 Active? nuk është aq i hijshëm sa celulari origjinal Premium ?Galaxy S7?.

Teknologjia e lartë

Celulari ?Active? i ka të gjitha specifikat e teknologjisë së lartë të modelit origjinal ? displejin e bukur ?Quad HD?, një procesor të shpejtë ?quad-core?, një port ?microSD? për më shumë memorie dhe një kamera të mrekullueshme 12 megapiksel ? por, nuk e ka dizajnin e bukuri. Ajo që merrni në këmbim të kësaj, është një ekran rezistent ndaj të goditurave, butonat e navigimit fizik, një ?Action Key? të përshtatshëm, si dhe një trup të kualitetit ?ushtarak?.

Një celular i fortë

Edhe pse u dedikohet në rend të parë atyre që kanë një stil aktiv të jetës, celulari ?Active? paraqet një zgjedhje solide për të gjithë ata që duan një celular të qëndrueshëm dhe të fortë. Por, fansat e celularit ?Galaxy?, të cilët duan një dizajn Premium, është më mirë që t?u mbesin besnikë modeleve ?S7? ose ?S7 Edge?.

Aktualisht, ?Active? është në shitje në SHBA me një çmim prej 795 dollarësh (rreth 700 euro). Ky është një çmim jo i ulët, është sa ai i celularit me ekran të lakueshëm, ?Edge? dhe është për 100 dollarë më i lartë sesa çmimi i celularit ?S7? dhe i shumë celularëve të tjerë ?Android?.

Një shtresë shtesë mbrojtëse

Te ky celular, ?Samsung? ka vënë një shtresë tjetër, shtesë, të mbrojtjes mbi qelqin e ekranit, me qëllim që ta mbrojë atë nga gërvishtja dhe thyerja dhe thuhet se ky celular u ?mbijeton? rënieve edhe nga lartësia prej 1,5 metrash. Pra, nëse një celular i këtillë ju shpëton nga dora, nuk do thyhej. Kjo është dëshmuar edhe gjatë testimeve.

Ky celular nuk e ka pamjen më të bukur të mundshme, por fakti që është i qëndrueshëm mjafton për përdorim praktik.

Çelësi aktiv

Njëri nga tiparet që më pak i jepet rëndësi, por që e ka rëndësinë e vet, është çelësi aktiv (Active Key), një buton i programueshëm që gjendet në pjesën e sipërme, në të majtë, i cili mund të përdoret për një lansim të shpejtë të aplikacioneve.

Lajmi i mirë është se mund ta riprogramoni këtë buton, që të hapë gjëra të ndryshme.

Një bateri e cila do t?ju zgjatë tërë ditën

Bateria e celularit ?Active?, me 4,000 mAh, është njëra ndër më të mirat që kemi parë ndonjëherë. Ajo ka 1,000 mAh më shumë sesa forma e rregullt, që haset te S7 dhe 400 mAh më shumë sesa ?S7 Edge?. Gjatë testimit të kësaj baterie, është parë se ajo, krahas një përdorimi te pandalshem shkoi 21 orë e 30 minuta./citynews





Lajmet e fundit nga