web counter
LEXO PA REKLAMA!

SHKARKO APP

App Store
Google Play

Prokuroria: Vëllai i Irfanit ka dijeni për pronat e Shullazit

31 Maj 2016, 17:39, Aktualitet CNA

Prokuroria e Krimeve të Rënda ka marrë në pyetje vëllain e Irfan Hysenbelliut, Besnik Hysenbelliun në cilësinë e personit që ka dijeni për pronat për të cilat po hetohet Emiljano Shullazi dhe banda e tij.

ABC News raporton se Besnik Hysenbelliu, me detyrë Zv.drejtor i Përgjithshëm i Hipotekave, është thirrur nga organi i akuzës në cilësinë e personit që ka dijeni për disa veprime hipotekore, që vartësit e tij kanë kryer për regjistrimin e pronave të Shullazit për të cilat po heton prokuroria.

Nuk është rasti i parë që Hysenbellinjtë thirren apo duket se janë përfshirë në çështje të dyshimta.

Një tjetër Hysenbelli është akuzuar si i përfshirë në atë që quhet afera CEZ, ku kompani private shqiptare të lidhura kryesisht me media,  të ndërtuara disa muaj përpara vendimit të CEZ për mbledhjen e borxheve, mblodhën disa qindra milionë lekë dhe fituan  disa dhjetra milionë për xhepat e tyre. Një nga këto është kompania e Bardhyl Hysenbelliut, vëllait tjetër të Irfan Hysenbelliut. Mediat e kanë akuzuar Bardhyl Hysenbelliun se ka përfituar të paktën 16 milionë lekë nga rreth 200 milionë lekë të borxheve të mbledhura të CEZ-it.

Këto janë akuzat e hedhura në atë kohë në media. Nuk kemi thjesht një Irfan Hysenbelli biznesmen të ngatërruar dhe akuzuar për afera politike apo edhe të përfolur dhe akuzuar nga gazetarë konkretisht, si një person që mund të ketë dijeni për vrasjen e bankierit Artan Santo. Kemi një Hysenbelli që thirret nga Prokuroria se ka dijeni për pronat e rregjistruara te Shullazit, kemi Irfan Hysenbelliun i cili dyshohet sipas akuzave të Kastriot Myftarajt se ka dijeni të plotë për vrasjen e Santos,  çështje që po sipas gazetarit, Hysenbelliu është thirrur në Prokurori dhe  nje Bardhyl Hysenbelli qe ka mbledhur miliona per CEZ./citynews





Lajmet e fundit nga