web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Meta: Politika nuk ka të drejtë të pengojë më tej procesin!

25 Maj 2016, 17:08, Aktualitet CNA

Kryetari i Kuvendit, Ilir Meta është shprehur se politika shqiptare nuk ka të drejtë të pengojë më tej miratimin e Reformës në Drejtësi. I pranishëm në një aktivitet me të rinjtë e Lëvizjes Socialiste për Integrim, Meta tha se çdo vonesë e klasës politike po e bën më të vështirë axhendën dhe kalendarin e hapave të mëtejshëm që vendi ynë duhet të bëjë në rrugën e anëtarësimit drejt BE.

?Kur të gjithë mendojnë se reforma në drejtësi, pra paketa e ndryshimeve kushtetuese duhet të kishte kaluar më parë pasi prej kohësh është bërë debat i gjerë kemi vonesa të pajustifikueshme, të cilat janë shumë të rëndësishme. Nuk kanë të bëjnë vetëm me një kërkesë të prejkohshme të qytetarëve për një Shqipëri më të drejtë ku sundon ligji por edhe me të ardhmen  europiane të vendit tonë. Nuk mund të thuhet se çfarë ndodhi tre javë më parë dhe tre javë më vonë.Ne e dimë që edhe procesi i vendimarrjes në BE është bërë gjithnjë e më i veshtirë. Çdo vonesë e jona e bën më të vështirë edhe axhendën dhe kalendarin e hapave të mëtejshëm që vendi ynë duhet të bëjë në rrugën e anëtarësimit drejt BE, siç është marrja e rekomandimit nga KE për haopjen e negociatave dhe pastaj vendimi për hapjen e negociatave. Nuk ka të drejtë politika shqiptare të pengojë më tej këtë proces për të ardhmen e vendin tonë, në mënyrë të veçantë për të ardhmen e rinisë shqiptare. Të gjejmë forcat të reflektojmë nnë këto pak orë dhe ditë që kanë mbetur, në mënyrë që ne të dimë të tregojmë që pavarësisht nga dallimet e forta politike për një interes që ka të bëjë me qytetarët dhe të ardhmen e europiane të vendit tonë dimë të bashkohemi dhe dimë të reflektojmë?. është shprehur Meta.





Lajmet e fundit nga