E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Vendosen pllaka përkujtimore për Lëvizjen Kombëtare për Çlirimin e Kosovës

15 Maj 2016, 14:24, Kosova & Bota CNA

Pllaka përkujtimore në kujtim të themelimit të Lëvizjes Kombëtare për Çlirimin e Kosovës janë vendosur sot në gjashtë lokacione të Prishtinës, ku ishin baat e kësaj lëvizje.

Njëri ndër ish-themeluesit e LKÇK-së, Avni Klinaku në zbulimin e pllakës, në vendin ku ishte marrë vendimi për themelimin e LKÇK-së, tha se kjo lëvizje ishte themeluar duke parë gjendjen e Kosovës të asaj kohe ? 1993, dhe nevojën për t?i dal në ndihmë popullit i cili po vuante nga regjimi serb.

Ai shtoi se përpjekjet për vendosjen e këtyre pllakave që sipas tij shënojnë histori, ka qenë edhe më herët, por nuk ka pasur mbështetje institucionale.

?Pikërisht në këtë vend, në këtë shtëpi ka qenë një shtëpie e vogël, ne jemi mbledhur dhe e kemi marrë vendimin e parë për themelimin e LKÇK-së. ?.Vlen të theksohet se në këtë bazë është bërë për herën e parë zgjedhja e Këshillit të Përgjithshëm të LKÇCK-së. Në rrethanat e ilegalitetit ka qe në shumë e vështirë edhe të respektohet një demokraci më e gjerë, por ne kemi bërë përpjekje që ajo të respektohet për aq sa ka qenë e mundur?, tha ai.

Një nga pllakat e zbuluara ishte edhe ajo në shtëpinë që dikur ishte redaksia e gazetës ilegale të asaj kohe ?Çlirimi?, e cila ishte organ i LKÇK-së. Ish-kryeredaktori i kësaj gazete, tani kryetari Lëvizjes për Bashkim, Valon Murati tha se qëllimi i kësaj gazete ka qenë përgatitja e shqiptarëve për kryengritje të armatosur.

?Jemi të baza ku është shtypë për vite të tëra në kushte të ilegalitetit gazeta ?Çlirimi?, që është më botuar më së gjati në Kosovë dhe është shpërnda gjatë tërë luftës së armatosur dhe pastaj normalisht në rrethanat e çlirimit ka qenë gazetë legale një kohë, por prej 1993 ? 1999, pandërprerë është shpërnda, asnjëherë nuk është ndal botimi i saj, edhe kur janë arrestuar shokët dhe janë vrarë? Është gazetë e cila qëllim, mision ka pasurpërgatitjen e popullit shqiptarë për kryengritje të armatosura, kjo ka qenë qëllimi i saj. Artikujt kanë qenë kryesisht të koncentruar në analizën e situatës se pse lufta e armatosur është e domosdoshme dhe çfarë hapa duhet t?i ndërmarrim si popull?, tha Murati.

Ndërkaq, pllakat e tjera u vendosën në lagjen?Tasligje?, te varrezat e dëshmorëve në Prishtinë, si dhe një pllakë u vendos në lagjen e Muhaxherëve./ Citynews