web counter
LEXO PA REKLAMA!

SHKARKO APP

App Store
Google Play

E fundit!

x

Riorganizmi i PD/ Basha: Zgjedhje në të gjithë Shqipërinë

28 Prill 2016, 13:40, Aktualitet CNA

Rezultati i zgjedhjeve lokale të vitit 2015 , e ka shtyrë kryetarin e Partisë Demokratike, Lulzim Basha të kryejë riorganizimin e partisë përpara zgjedhjeve.  Kryesia e Partisë Demokratike ka vendosur sot organizimin e partisë për zgjedhje si dhe  një shtim prej 14 degësh  duke e çuar në 67 numrin e tyre.

Por, jo të në të gjitha degët do të kryhen votime për të zgjedhur kryetarin e ri. Burime brenda PD thanë për citynews se zgjedhje do të ketë vetëm në ato zona të cilat kanë pësuar ndryshime  nga ndarja e re territoriale.

Për shembull: Qarku i Korçës përbëhet nga 5 njësi administrative, Korçë, Pogradec, Devoll, Kolonjë dhe Maliqi, i cili është shtuar si njësi administrative e re nga reforma territoriale. Në Maliq do të votohet për të zgjedhur kryetarin e degës, pasi kjo njësi administrative ka qenë së bashku me Korçën në ndarjen e mëparshme. Gjithashtu, edhe në Korçë do të zhvillohen zgjedhjet sepse në ndarjen e mëparshme, sic e theksuam më sipër, Korca ka qenë së bashku me Maliqin dhe kryetari i degës është zgjedhur me votat e të dyja zonave. Njësitë e tjera administrative, Pogradeci, Devolli dhe Kolonja nuk do të zhvillojnë zgjedhje pasi nuk kanë pësuar ndryshime në ndarjen administrative.

Ky ishte vetëm një shembull për të treguar se zgjedhjet për kryetarin e degës do kryhen vetëm në zonat ku ka pasur ndryshime të njësive administrative nga Reforma Territoriale. Në zonat e tjera që nuk janë prekur nga këto ndryshime nuk do të zhvillohen zgjedhje dhe kryetarët e degëve do mbeten ata që janë aktualisht.





Lajmet e fundit nga