web counter
LEXO PA REKLAMA!

SHKARKO APP

App Store
Google Play

E fundit!

x

Skandali i “Panama Papers”/ Sali Berisha flet për kontratën me GFI

7 Prill 2016, 12:34, Aktualitet CNA

Ish-kryeministri i vendit, Sali Berisha, ka folur në seancën e sotme parlamentare për skandalin ?Panama Papers? dhe marrëveshjen me kompaninë e markimit të hidrokarbureve GFI.

Ai shprehet se kontrata me GFI është dërguar në Gjykatë Kushtetuese dhe nuk ka rezultuar asnjë shkelje.

Sipas tij, kompania GFI dispononte 75% të aksioneve, por Rama ia kaloi 99% të tyre kompanisë tjetër.

“Ne firmosëm një kontratë me një kompani kanadeze me reputacion botëror në fushën e shënjimit. Ne firmosëm në mënyrë të vecantë që të markohej e gjithë nafta që hynte dhe prodhohej në Shqipëri. Afera Kokëdhima, 4 milionë litra naftë pusi u hodhën në benzinatet e vendit. Fillimisht i thatë jo kompanisë. Mafia e naftës e coi në Kushtetuese. Ajo e gjeti në të gjitha aspektet kushtetuese ligjore kontratën. Në shtator  të vitit 2015, Rama ka miratuar kalimin e aksioneve nga kompania markuese, GFI, tek kompania tjetër të 99.5 % të aksioneve. Kjo është shkelje kontrate sepse nuk mund të ikte. Pse iku. Se jua vodhi xhepin juve. Pranuat largimin e kompanisë GFI, markuesit të shënjuesit të substancës. Ky operacion është kryer pasi Gjykata kushtetuese ka vendosur që GFI ka 75 % të aksioneve”, u shpreh ai

Më tej, Berisha ka kërkuar dekusarizimin e kuvendit pasi sipas tij është jetik për të ardhmen e vendit.

“Si përfundim, dekusarizimi i këtij parlamenti është jetik për Shqipërinë. Dekusarizimin nënkupton zbatimn e ligjeve. Unë kërkoj mbështetjen të juve që nuk jeni të implikuar direkt. Të miratojmë ligjin anti-Olsi“, tha Berisha





Lajmet e fundit nga