Këshilla për të pasur një zemër, mendje e trup të shëndetshëm

7 Prill 2016, 18:17, Lifestyle CNA

Një stil jetese i pashëndetshëm është burimi i sëmundjeve të ndryshmë si ; infarkti, diabeti, kanceri dhe sëmundjet e zemrës.

Çfarë na sugjerojnë mjekët për të pasur një zemër, mendje dhe trup në gjendje optimale?

1.Ushtrime fizike të përditshme

Ashtu si larja e dhëmbëve që eshtë një domosdoshmëri për ju çdo ditë, edhe ushtrimet fizike janë po aq të rëndësishme.

Fikeni televizorin ose kompjuterin dhe bëni ushtrime të paktën 30 minuta çdo ditë.

Për të mbrojtur zemrën tuaj duhet të fokusoheni më tepër te ushtrimet arobike si; vrapim, biçikletë, not etj.

Të ecurit gjithashtu është një ushtrim shumë i vlefshëm. Merrni pak kohë dhe ecni për të paktën 10 minuta në ditë.

2. Dietë e shëndetshme

Hiqni dorë nga fast food-et. Zemra juaj, truri dhe gjithë trupi dëmtohet nga ushqimet me yndyrna të ngopura në sasi të mëdha si dhe nga kolesteroli.

Për të patur një organizëm të shëndetshëm iu duhet t?i zëvendësoni këto ushqime me fruta, perime, peshk, arra, vaj ulliri. Hani si italianët, spanjollët dhe grekët!

3. Humb në peshë

Duhet të dini se kilogramët e tepërt në trup e vënë në rrezik shëndetin tuaj.

Në qoftë se ju merrni më shumë kalori sesa digjni, atëherë do të shëndosheni- është e thjeshtë!

Kështu që duhet të hani më pak dhe të bëni më shumë ushtrime.

4. Analiza fizike rregullisht

Konsultohuni me mjekun e familjes për të mësuar se nga cila sëmundje jeni më tepër të rrezikuar dhe kryeni vizitat e duhura.

Gratë mund të bëjnë mamografinë për të kontrolluar rrezikun nga kanceri i gjirit dhe Pap testin për kancerin e mitrës.

Meshkujt duhet të kryejne testin PSA për prostatën.

Analizat për kancerin kolokteral duhet të fillojnë më moshën 50 vjeç ose më herët nqs keni patur problem të tilla më parë në familje.

Duhet gjithashtu të kryeni rregullisht analizat për diabetin, tensionin dhe kolesterolin.

5. Sa më pak stres

Njerëzit që thonë gjithmonë se janë të zënë me punë nuk kalojnë kohë më familjen e tyre, nuk bëjnë ushtrime mjaftueshëm, nuk hanë shëndetshëm, nuk flenë siç duhet.

Të gjitha këto rritin stresin në jetën tuaj dhe janë kritike për shëndetin dhe jetëgjatësinë tuaj.

Për të qenë të shëndetshëm ne duhet të vedndosim disa kufijë dhe limite në oraret e punës.

Nuk duhet të punoni me orë të zgjatura dhe të neglizhoni gjërat e tjera që janë të rëndësishme për shëndetin tuaj.