Avioni me drogë/ Artan Hoxha: Të ndaluarit janë pjesë e një grupi të njohur

22 Mars 2016, 07:46, Aktualitet CNA

Pasditen e djeshme, një avion i përdorur për trafikun e drogës u kap dje në Akërni të Vlorës. Gazetari investigativ, Artan Hoxha, tha për ?News 24? se 3 personat e ndaluar nga policia janë të njohur për këtë aktivitet në zonën e Vlorës. Hoxha tha se në ndryshim nga avioni i Divjakës, Policia e Shtetit në bashkëpunim me policinë italiane kanë reaguar në kohë rekord.

?Ky është një lajm i keq. Me këtë ngjarje është konfirmuar edhe rruga ajrore për trafikun e drogës. Trafikantët kanë arritur në kapacitete të tilla që për aktivitetin e tyre kriminal kanë edhe avionë të vegjël që e kalojnë detin në kohë rekord. Avionët deklarojnë se vijnë për qëllime turistike. Ngjarja e fundit ka ndryshim nga rastet e mëparshme. Autoritetet tona dhe ato italiane kanë reaguar në kohë rekord. Avioni nuk ka arritur ta marrë dot ngarkesën. Është fakt që Policia e Shtetit dhe policia italiane kanë kryer menjëherë veprimet e para. Policia e Shtetit ka shoqëruar 3 persona. Pavarësisht se janë dhënë vetëm iniciale, 3 personat, pjesë e një grupi të njohur në zonën e Vlorës, e kanë kryer edhe më parë ktë lloj aktiviteti. Informacioni që është dhënë rezulton se sapo është marrë informacioni ka patur plan masash që ka synuar të identifikojë mjetin ajror, oraret e lëvizjet e tij, pronësinë, kush është baza pritëse, cila ishte ngarkesa dhe baza logjistike. Janë bllokuar në provën materiale edhe 2 automjetet të tjera?, tha Hoxha.

Gjatë emisionit, gazetari Artan Hoxha ka shpjeguar edhe llojin e avionëve që përdoren për të trafikuar drogën. Ai tha se ky model avioni mund të mbajë deri në 1 ton drogë, ndërsa nënvizoi se trafiku i drogës është sofistikuar.

?Janë avionë që përdoren për distanca jo të gjata, që mund të marrin deri në 1 ton drogë. Rasti i sotëm, dëshmon që kjo linjë e trafikut të lëndëve narkotike në rrugë ajrore nuk është ndërprerë, ka tentativa për ta rikthyer. Është fakt që Shqipëria pavarësisht një aksioni shumë të madh të bërë gjatë verës së kaluar, trafikantët kanë ende një stok të madh që duan ta kalojnë në vendet e BE-së. Në këto kushte e kanë marrë parasysh edhe riskun edhe koston për të blerë avionë të tillë dhe për t?i përdorur për mjete transporti. Këtë radhë reagimi ka qenë në një fazë më të shpejtë. Këto janë mënyra të trafikut të lëndëve narkotike të sofistikuara. Piloti duhet të jetë shumë i aftë edhe për ta ulur në territore të ndryshme. Në rastin konkret është përdorur një aerodrom i vjetër. Avionë të tillë kushtojnë nga 50 mijë deri në 100 mijë euro. Këta janë avionë që fluturojnë shumë poshtë?, tha ai.