web counter
LEXO PA REKLAMA!

SHKARKO APP

App Store
Google Play

E fundit!

x

Inskenuan vrasjen si aksident/ Zbardhet ngjarja kriminale

16 Mars 2016, 11:35, Aktualitet CNA

Zbardhet ngjarja e ndodhur në fshatin Shalës, Cërrik ku u gjet i vdekur në banesë shtetasi B.Sh. 56 vjeç. Policia ka zbuluar të vërtetën e ngjarjes “Vjedhje me pasojë vdekjen ” si dhe inskenimin e versionit të ngjarjes që të dukej si aksidentale.

Dy shtetas janë arrestuar të dyshuar si autorët e vrasjes dhe të inskenimit të versionit të ngjarjes Policia ka sekuestruar sendet e vjedhura të fshehura në një ullishte.

Nga hetimi i Polcisë rezultoi se autorët e kësaj ngjarje, dyshohet të jenë shtetasit Naim Çekrezi, 56 vjeç, banues në Cërrik dhe Ilir Çekrezi, 25 vjeç , banues në Cërrik.

Këta shtetas, dyshohen të kenë vrarë shtetasin B.Sh. gjatë momenteve të vjedhjes së banesës së tij dhe më pas kanë inskenuar vendin e ngjarjes, duke e bërë të dukej si ngjarje aksidentale. Por pas veprimeve hetimore të mirëfillta u arrit në konkluzionin se kemi të bëjmë me një ngjarje të rëndë kriminale, pasi viktima ishte goditur me sende të forta, të cilat i kishin shkaktuar vdekjen e menjëhershme.

Gjatë veprimeve hetimore të ndjekura me metoda speciale të hetimit, rezultoi se në njërën dhomë të banesës së viktimës, autorët kishin vjedhur një sasi prej 250.000 lekësh (të reja) dhe 1880 Euro. Gjatë kontrollit të ushtruar në një ullishte, grupi hetimor ka gjetur dhe sekuestruar në cilësinë e provës materiale rrobat e përdorura në momentin e kryerjes së krimit, 2. 250.000 leke te reja, 1880 Euro dhe një aparat celular.





Lajmet e fundit nga