web counter
LEXO PA REKLAMA!

SHKARKO APP

App Store
Google Play

FRPD mbyll sot zgjedhjet e drejtuesve të degëve

29 Shkurt 2016, 08:56, Politikë CNA

Me parimin një anëtar një votë, janë zgjedhur drejtuesit e 52 degëve, ku rezultati ka qënë shumë i ngushtë. Sot pritet përmbyllja e procesit me zgjedhjen e kreut të FRPD në Durrës

 Partia Demokratike po finalizon garën e drejtuesve të forumit rinor në degët e saj, me një garë të jashtzakonshme, një konkurencë e panjohur deri tani në politikë, me një proces model, me votim të lirë e të ndershëm sipas parimit një anëtar një votë.

Sot votohet për kreun e të rinjve demokratë të Durrësit, ndërkohë që gara për 52 degët e tjera të PD ka mbaruar.

Konkurenca ka qënë spektakolare dhe në disa degë gara është ndarë me një votë të vetme, si në rastin e degës 8 në Tiranë, apo në zgjedhjen e drejtuesit të forumit për Malësinë e Madhe.

Ndërkohë që në 9 degët e PD, në Dibër, Gramsh, Has, Kavajë, Kuçovë, Kurbin, Peqin, Pogradec, Tropojë, rezultati ka qënë i ngushtë dhe fituesi ka dalë me pak vota diferencë. Në Diber me 9 vota diferencë,  në Gramsh me 2 vota diferencë, në Has 2 vota diferencë, në Kavajë 5 vota diferencë, në Kuçove 4 vota diferencë, në Kurbin 4 vota diferencë, në Peqin 6 vota diferencë, në Pogradec 9 vota diferencë, në Tropojë 4 vota diferencë.

Ndërkohë që 14 degë të tjera FRPD janë ndarë me më pak se me pak se 25 vota diferencë.

10 mijë e 782 të rinj demokratë morën pjesë në këto zgjedhje, që nisën me 7 shkurt.

Një pjesmarrje rekord dhe entuziasëm i jashtzakonshëm i përfshirjes së të rinjve në politikë. Kjo e nxitur nga gara e fortë, kandidaturat e spikatura dhe procesi i rregullt e respektimi i votës. Me zgjedhjen sot të kreut të FRPD të Durrësit, mbyllet procesi për drejtuesit e forumit në gjithë degët e Shqipërisë.





Lajmet e fundit nga