web counter
LEXO PA REKLAMA!

SHKARKO APP

App Store
Google Play

Blushi: PS-ja është kthyer në biznes privat

19 Shkurt 2016, 17:39, Aktualitet CNA

Deputeti socialist Ben Blushi ka deklaruar se Partia Socialiste është kthyer në një biznes privat. I pranishëm në një takim me mbështetësit e tij në qytetin e Korçës, Blushi tha se populli nuk është fajtor për gjendjen e vështirë ekonomike, porse është qeveria ajo e cila është përgjegjëse.

?Fajin nuk e ka populli për gjendjen sot, por qeveria. Qeveria thotë ka punë, por shqiptarët janë dembelë. Unë nuk mund të pranoj këtë, duhet të reagojmë. Ky nuk është vendi që meritojmë. Jemi në mes të Evropës, i kemi të gjitha mundësitë. Nuk kam qëllim të ndaj partinë ku jam. Nuk më ftuan tek takimi i Ramës. Jam deputet i Elbasanit por mua s?më ftuan. Nuk me ftojnë më. Me thonë s?ke të drejtë të zgjidhesh, un s?kam hyrë në biznes privat dhe kjo parti është kthyer në një e tillë.?- deklaroi Blushi.

?Partitë janë si pasqyra, prishet njëra, prishet edhe tjetra. Brenda PS-së nuk ke mundësi të votosh sepse është një grup brenda saj që thotë do bëni si themi ne. Unë nuk e pranoj dot. Pushtetin e mori rilindja jo PS. Kur erdhëm në pushtet thamë do t?i heqim koncesionet, por i shtuan më shumë ato?- vijoi më tej Blushi.

Por Blushi ka shpresë për tu rregulluar gjërat dhe sipas tij, debati brenda partisë është debat për Shqipërinë.

?Nuk pranoj dot që PS të kthehet në biznes, pse duhet të kemi një parti me një pronar. Do punoj që të demokratizohet vendi përmes demokratizimit të partisë. PS është marrë peng. Ka punë vetëm për rilindasit, por rilindja e ka braktisur PS-në?,-  deklaroi ai.

 





Lajmet e fundit nga