web counter
LEXO PA REKLAMA!

SHKARKO APP

App Store
Google Play

Formula e re për Maturën Shtetërore/ Ja udhëzimi i MAS

12 Shkurt 2016, 07:31, Aktualitet CNA

Ministria e Arsimit ka publikuar udhëzimin pë Maturën Shtetërore. Sipas këtij  udhëzimi, në shkollat e mesme jo profesionale maturantët e këtij viti do të japin pesë provime, tre me detyrim dhe dy me zgjedhje. Lëndët me detyrim janë: Gjuhë Shqipe dhe Letërsi, Matematikë dhe Gjuhë e huaj. Sa i përket gjuhës së huaj mund të jepet vetëm gjuha angleze, italiane, gjermane dhe frënge.

Maturanti duhet të zgjedhë dy lëndë nga lista e lëndëve me zgjedhje, pavarësisht nëse i ka zhvilluar ose jo ato.  Shuma e krediteve të këtyre lëndëve të jetë jo më e vogël se 8 dhe numri i lëndëve të jetë dy. Ndërsa maturantët e shkollave artistike kanë të drejtë që të zgjedhin: lëndën e parë nga grupi i lëndëve vetëm për shkollat artistike dhe lëndën e dytë nga lëndët për të gjitha shkollat e mesme.

Ministria e Arsimit ka sqaruar  procedurat dhe kriteret që duhen për të shkuar në universitet. Fillimisht duhet që një maturant të kalojë të pesta provimet. Më pas ai do duhet që të aplikojë për arsimin e lartë dhe kriter kryesor do të jetë nota mesatare.

Këshilli i Ministrave do të përcaktojë një notë mesatare dysheme, që  pritet që të jetë nota 6. Më pas do të jenë vetë universitetet që do të përcaktojnë një notë tjetër mesatare për lëndët, por jo më poshtë se dyshemeja, bashkë me to dhe disa kritere të tjera. Mësohet se secili fakultet do ketë kritere të veçanta.





Lajmet e fundit nga