Skandal me rikonstruksionin dhe pajisjet e shkollave/ Ministria e Arsimit fatura dhe prokurime fiktive

23 Janar 2016, 08:02, Aktualitet CNA

Zbardhen të tjera shpërdorime dhe abuzime të kupolës së Ministrisë së Arsimit. Skema e vjedhjes së parave të taksapaguesve shqiptarë është po e njëjta. Fatura fiktive, manovra me fondin limit, fitues të paracaktuar të tenderave etj. Kontrolli i Lartë i Shtetit ka konstatuar abuzime masive në rikostruksionin e shkollave dhe prokurimin e objekteve të tjera nga Ministria e Arsimit dhe degët e tjera të saj.

?Nga verifikimi i projektit dhe preventivit të objekteve të prokuruara, rezulton se një pjesë e konsiderueshme e preventivit, janë me zëra pune që nuk janë në manualet e preventivimit. Këto zëra pune janë shoqëruar me analiza çmimi, por pa argumentim me dokumente për çmimet e nënzërit ?material? të kostos. Gjithashtu, në disa zëra pune ka mospërputhje të volumeve apo çmimeve sipas manualeve të çmimeve të punimeve të ndërtimit, duke rritur në mënyrë fiktive vlerën e fondit limit, në kundërshtim me VKM nr, 1, datë 10.01.2007 ?Për miratimin e rregullave të prokurimit publik?, i ndryshuar?, thuhet në raport. Kontrolli i Lartë i Shtetit, në këtë kuadër, kërkon që të merren masa nga strukturat e caktuara nga Titullari i MAS, për verifikimin e projekteve dhe preventivave të objekteve që prokurohen, në mënyrë që fondi limit të përcaktohet nga çmimet e manualeve korrente ose me analiza çmimesh të përditësuara. Po ashtu, në auditimin e disa procedurave prokurimi është konstatuar se disa nga kriteret e veçanta të kualifikimit janë diskriminuese në kundërshtim me Ligjin nr. 9643, datë 20/11/2006 ?Për prokurimin publik?, i ndryshuar, neni 1 dhe që nuk përputhen me natyrën e punimeve dhe volumet e preventivit.

Për këtë është rekomanduar që strukturat e caktuara për vendosjen e kritereve të kualifikimit, të marrin masa që të shmangin çdo kriter, kërkesë apo procedurë, që lidhet me kualifikimin e operatorëve ekonomikë, që përbën diskriminim ndaj ose midis furnizuesve apo kontraktorëve ose ndaj kategorive të tyre dhe të përputhen në natyrë dhe sasi me preventivat e objekteve që prokurohen.

Kërkesa

Kontrolli i Lartë i Shtetit kërkon që disa firma të kontraktuara nga MAS të kthejnë mbrapsht paratë, për punime dhe shërbime që nuk ekzistojnë. ?Nga auditimi i zbatimit të punimeve në objektin ?Rikonstruksion i Shkollës 9-vjeçare të Fshatit Thanasaj?, u konstatua diferencë në volumet e punimeve të kryera në fakt, krahasuar me preventivin e objektit, si pasojë e të cilave është përfituar më tepër nga sipërmarrësi i punimeve vlera prej 584,868 lekë. Të kërkohet në rrugë ligjore duke ndjekur të gjitha procedurat e nevojshme administrative, me qëllim shpërblimin e dëmit ekonomik në vlerën 584,868 lekë, të përfituara padrejtësisht nga bashkimi operatorëve ekonomik ?Xh… & K…? sh.p.k dhe ?G….. C.? sh.p.k, në zbatimin e punimeve në objektin ?Rikonstruksion i Shkollës 9-vjeçare të Fshatit Thanasaj?, thuhet në raportin e KLSH.

Tjetër shkelje

Nga auditimi i zbatimit të punimeve në objektin ?Rikonstruksion i shkollës 9-vjeçare Hiqmet Buzi, Fshati Kallm i Madh?, KLSH ka konstatuar diferencë në volumet e punimeve të kryera në fakt, krahasuar me preventivin e objektit, si pasojë e të cilave është përfituar më tepër nga sipërmarrësi i punimeve vlera prej 196,800 lekë. ?Për këtë është rekomanduar të kërkohet në rrugë ligjore duke ndjekur të gjitha procedurat e nevojshme administrative, me qëllim shpërblimin e dëmit ekonomik në vlerën 196,800 lekë, të përfituara padrejtësisht nga operatori ekonomik ?B…. B? sh.p.k, në zbatimin e punimeve në objektin ?Rikonstruksion i shkollës 9-vjeçare Hiqmet Buzi, Fshati Kallm i Madh?, thuhet në raport.