Zbardhet pasuria e Frederik Seitit/ Qindra mijëra euro dhe pasuri të paluajtshme

19 Janar 2016, 08:22, Aktualitet CNA

Sekretari i Përgjithshëm i Ministrisë së Ekonomisë, Frederik Seiti, ka deklaruar pranë Inspektoriatit të Deklarimit të Pasurive, shuma marramendëse si dhe dhjetra llogari bankare dhe apartamente. Gazeta ?Sot? ka publikuar deklarimin e pasurisë nga numri dy i ministrisë së Ekonomisë. Sipas deklarimit, Seiti ka përfituar plot 300 mijë euro, sipas tij, të fituara nga emigracioni, apo si administrator në dy firma. Nga ana tjetër, bashkëshortja e tij ka deklaruar 130 mijë euro, si pedagoge, paga nëpër institucione dhe qira. Pra në total 430 mijë euro. Por jo vetëm kaq, kur ka marrë detyrën e Sekretarit të Përgjithshëm pranë Ministrisë së Ekonomisë, në vitin 2013, Seiti ka deklaruar 5 banesa dhe me dhjetëra llogari bankare. Një apartament në Tiranë me vlerë 40 mijë euro, një apartament në Kavajë me vlerë 70 mijë euro, një tjetër apartament në Tiranë me vlerë 70 mijë euro, një shtëpi në bashkëpronësi me vëllanë, si dhe një apartament në pronësi të bashkëshortes, 25 milionë lekë. Po ashtu ai dhe bashkëshortja e tij zotërojnë automjete me vlerë 10-12 mijë euro. Për vitin 2013 ata kanë deklaruar dhe me dhjetëra llogari bankare, duke bërë që pasuria totale e tyre të shkojë qindra mijëra euro. Ndërkohë sa i takon pasurisë për vitin 2013, përveç deklaratave të mësipërme, janë rritur ndjeshëm të ardhurat. Në deklaratat e pasurisë ka rënë në sy fakti se Seiti përveçse sekretar në Ministrinë e Ekonomisë, ka qenë dhe anëtar i bordit në një kompani telefonike dhe anëtar i bordit të Autoritetit Portual. Në këtë vit ai ka deklaruar vetëm pagën e tij si dhe atë të bashkëshortes.

Në vitin 2014, pasi mori postin e Sekretarit të Përgjithshëm të Ministrisë së Ekonomisë, në deklarimin e pasurisë, janë shtuar llogaritë bankare dhe të ardhurat. Gjatë 2014-ës ai ka bërë edhe një shtesë pallati, e cila ndodhet në proces legalizimi. Gjithashtu ai ka deklaruar një llogari bankare prej 25 mijë eurosh dhe të ardhura nga pagat. Paga si sekretar i Përgjithshëm në MZHETS, 12 milionë lekë, të ardhura nga bordi drejtues në ?Albtelekom?, 22 mijë euro dhe të ardhura nga bordi i Autoritetit Portual, 7 milionë lekë. Seiti ka deklaruar dhe dy kredi të pashlyera. Tek njëra në këtë vit i kishin mbetur 17 mijë euro pa shlyer, ndërsa te kredia tjetër, 1.1 milionë lekë. Sipas deklarimit, edhe pas marrjes së postit të sekretarit, Ndreca ka vijuar të mbajë postin e administratorit në disa kompani. Pasuria e tij llogaritet edhe më e madhe se shumë ministra të kabinetit ?Rama?