Foto - koment/ A do qajë prapë Edi Rama më 21 janar ?

18 Janar 2016, 10:41, Aktualitet CNA

Edhe pak ditë na ndajnë nga 5 vjetori i 21 janarit. Protesta e 21 janarit u zhvillua nga Partia Socialiste, atëherë në opozitë, për të kërkuar dorëzimin e bllokut të ish zv/kryeministrit dhe ministrit të jashtëm, Ilir Meta, në atë kohë pjesë e qeverisë ?Berisha?. Protesta erdhi pas publikimit të një videoje ne emisionin ?Fiks Fare? ku shfaqej Ilir Meta duke bërë pazare me një vlerë prej 700 mijë eurosh me ministrin e tij Dritan Prifti i cili ishte autori dhe publikuesi i videos.

Disa ditë pas protestës së 21 janarit, Partia Socialiste organizoi një ceremoni homazhi për të nderuar viktimat, ritual të cilin e ka përsëritur për katër vite me radhe dhe pritet ta përsërisë edhe këtë 21 janar.

Kreu i Partisë Socialiste, Edi Rama, është shfaqur në këto homazhe tepër ?i prekur?, madje edhe duke qarë. Kujtimi dhe dhimbja e tij për viktimat e 21 janarit më shumë duken si lotët e një aktori në rol apo një krokodil që qesh kur qan.

Sot Edi Rama është kryeministër, ndërsa Ilir Meta, për të cilin mijëra qytetarë dolën në protestë më 21 janar është aleati i tij kryesor në qeveri. Socialistët që ishin në protestë edhe sot i kërkojnë Edi Ramës dy gjëra: bllokun e Metës që ende nuk dihet ku ndodhet dhe drejtësi për viktimat e 21 janarit.

Pas katër ditësh, kryeministri Edi Rama pritet të rikujtojë 21 janarin, ku qindra policë u rrahën, u gjymtuan dhe u dhunuan në mbrojtje të institucioneve, 4 viktima të pafajshme u regjistruan atë ditë. Viktima të një proteste të dhunshme, protestë e thirrur nga Edi Rama për bllokun e Ilir Metës dhe më pas qytetarët u braktisën nga lideri i tyre, i cili në fakt, më shumë se bllokun kërkonte rikthimin e Metës aleat.

Marrja e pushtetit me çdo kusht, ka bërë që Rama të harrojë shkakun e daljes në protestë nga populli. Sot, ai ka në krah njeriun për të cilin populli u çua në protestë, njeriun për të cilin 4 persona humbën jetën. Që nga 1 prilli i vitit 2013, apo më parë kur hëngri ngjalën e Metës në Gjirin e Lalzit, Edi Rama varrosi 21 janarin, braktisi viktimat dhe familjarët e tyre vetëm për të marrë pushtetin me bllokun që duket se ende nuk ka humbur.

A do ta kujtojë ai arsyen përse populli doli në protestë. A do të derdhë përsëri lot Edi Rama? Sidoqoftë, me lot krokodili apo pa lot, përkujtimi i 21 janarit nuk ka asnjë vlerë pas koalicionit të 1 prillit./citynews