PD fillon protestat nga Berati

17 Janar 2016, 14:24, Aktualitet CNA

Partia Demokratike do të fillojë protestat nga Berati. Kjo është protesta e parë e demokratëve për vitin 2016. Ashtu siç ishte bërë me dije edhe më parë, protestat do të nisnin sërish në muajin janar të këtij viti. Kryetari i PD-së Berat, Gazment Azizi ka deklaruar se protesta do të zhvillohet ditën e martë, në orën 11:00 para Bashkisë së Beratit. Përmes një njoftimi, Azizi shprehet se rritja e taksave i ka dëmtuar shumë bizneset e këtij qyteti.

Njoftimi nga Kryetari i PD-së Berat, Gazment Azizi

Viti 2016 do te jete nje vit mjaft i veshtire per te gjithe qytetaret dhe biznesin beratas. Kjo jo vetem si rezultat i politikave te mbrapshta te qeverise Rama por edhe si rezultat i tarifave dhe taksave vendore qe bashkia Berat po aplikon mbi qytetaret dhe biznesin beratas.
Ne daten 28 dhjetor 2015 ,ne mbledhjen e keshillit bashkiak ne te cilen do te diskutohej dhe miratohej paketa e re fiskale per vitin 2016, ne, keshilltaret e djathte edhe pse diskutuam dhe evidentuam rritjen drastike te taksave dhe tarifave vendore ato u miratuan me forcen e kartonit te keshilltareve te majte. Megjithate historia nuk mbaron ketu, serisht ne daten 20.01.2016 do te zhvillohet mbledhja e keshillit bashkiak ku perseri do te propozohen rritjet e taksave dhe tarifave kundrejt qytetareve dhe biznesit beratas. Keto taksa prekin drejtperdrejt buxhetin e familjeve ne nevoje dhe shtreses se mesme ( nese ka) si dhe veshtiresojne gjithnje dhe me shume aktivitetin financiar te biznesit. Padyshim qe mbijetesa e bizneseve do te shoqerohet me rritjen e cmimeve dhe sherbimeve qe ata ofrojne. Si gjithmone ata qe do ta paguajne gjithnje e me shume do te jene qytetaret beratas.
Per te bere transparente rritjen e ketyre taksave per vitin 2016, une po ju paraqes nje tabele e cila tregon qarte trendin e taksave dhe tarifave vendore.
Tarifat
1- Ndricimi per familjaret nga 800 leke/vit shkon ne 1200leke/vit.
2- Ndricimi per bizneset nga 1200leke/vit shkon ne 4200leke/vit.
3- Pastrim gjelberimi per familjaret nga 300 leke/vit shkon ne 500leke/vit.
4- Pastrim gjelberim per bizneset nga 600leke/vit shkon ne 2600leke/vit.
5- Tarifa e ujit te pishem per familjare nga 44leke/m3 shkon ne 80leke/m3.
6- Tarifa e ujit te pishem per biznesin nga 125leke/m3 shkon ne 150leke/m3.
7- Tarifa e largimit per ujrat e ndotur per familjaret nga 12leke/m3 shkon ne 14.4 leke/m3.
8- Tarifa e largimit per ujrat e ndotur per biznesin nga 20leke/m3 shkon ne 24leke/m3.
9- Rilicensimi i pikave te shitjes se gazit per konsumatoret fundore nga 25000leke/vit dhe 50000leke/vit shkon ne 200000leke/vit.
10- Tarifa e dhenies dhe perseritjes se licenses per tregtimin e karburanteve nga 50000 dhe 100000 leke/vit shkon ne 2000000 leke/vit.
Taksat
1- Taksa e ndikimit ne infrastrukture per ndertimet e reja nga 2% e vleres se investimit shkon ne 5% te vleres se shitjes per objektet e banimit.
2- Taksa e ndikimit ne infrastrukture per objeket e biznesit dhe njesite tregtare nga 3% e vleres se investimit shkon ne 6% te vleres se shitjes.
3- Taksa e re mbi truallin per familjaret vendoset 0.42leke/m2 dhe per biznesin vendoset 18leke/m2.
4- Taksa e fjetjes ne hotel nga 5% e cmimit te fjetjes per person shkon nga 70leke deri ne 175leke/person.
5- Taksa e tabelave per qellim indetifikimi mbi 2 m2 nga 120leke/vit behet 45000 leke/m2 ne vit.
6- Tabela elektronike nga 22500leke/m2 ne vit shkon ne 45000leke/m2 ne vit.
Pra sic e shikoni te dashur qytetare kjo eshte nje rritje drastike e cila veshtireson gjithnje e me shume jeten e qytetareve beratas.
Per kete qellim ju ftoj te merrni pjese ne protesten paqesore qe do te zhvillohet diten e marte ne daten 19.01.2016 ne oren 11:00 perpara bashkise Berat.