web counter
LEXO PA REKLAMA!

SHKARKO APP

App Store
Google Play

E fundit!

x

Assad: Armiqtë e mi kanë rritur mbështetjen për terroristët

30 Nëntor 2015, 07:07, Kosova & Bota CNA

Presidenti sirian Bashr al Assad deklaron se kundërshtarët e tij kanë rritur mbështetjen financiare dhe furnizimet me armë ndaj grupeve kryengritëse që prej fillimit të ofensivës së madhe të ndihmuar nga aleatët e tij për të rimarrë territorin e humbur.

Sipas medias shtetërore, Assad i ka thënë këshilltarit të lartë të liderit suprem të Iranit Ali Akbar Velayati, se ndihma ushtarake e dhënë nga Irani dhe Rusia ka çuar armiqtë e tij të financojnë dhe të mbështesin më shumë grupet terroriste.

Assad nuk përmend emra shtetesh, por aktualisht është Turqia ajo që kërkon me ngulm largimin e Assad nga pushteti në Siri, kurse Teherani dhe Moska janë për një tranzicion politik me Assad në krye të vendit.

Ushtria siriane tha të shtunën se Turqia kishte rritur furnizimet e armëve, municionit dhe pajisjeve të tjera për grupet terroriste në vend.

Velayati siguroi se qeveria e Teheranit do të vazhdojë të mbështesë qeverinë ?ligjore? në Damask, duke nënvizuar se lufta kundër terrorzimit ishte vendimtare jo vetëm për rajonin, por për mbarë botën.

Assad tha se humbja e grupeve rebele që luftonin për të përmbysur sundimin e tij është një parakusht për ?suksesin e çdo zgjidhjeje politike për sirianët.





Lajmet e fundit nga