web counter
LEXO PA REKLAMA!

SHKARKO APP

App Store
Google Play

E fundit!

x

Z. Beqaj, sa laboratorë ka ngritur Vilma Nushi në bazë të kontratës 150 milionë USD?

16 Tetor 2015, 07:35, Aktualitet CNA

Shëndetësia falas e Ilir Beqajt po u shkund xhepat, po u heq xhaketën dhe u rrjep lëkurën taksapaguesve shqiptarë. Ëndrra dhe mirazhi i shëndetësisë falas të dy viteve më parë, tashmë është kthyer në një murtajë dhe kolerë. Teksa ministri me duar të gjata nuk ndalet së bëri ?kosha?, duke i dhënë tendera vetes, nuk duhet reshtur së thëni, se shëndetësia falas, vetëm për një fazë kohore, ka kushtuar 150 milionë dollare.

Përpos dhjetëra miliardë lekë, të thithura nga pitoni gjysmë i padukshëm që ka mbërthyer prej dy vitesh sistemin shëndetësor në Shqipëri, është zhvilluar edhe një tender 150 milionë dollare, tenderi i famshëm i shëndetësisë falas, Check-Up. Kjo është vetëm syprina e moçalit të korrupsionit në shëndetësi. Ky është vetëm një reflektim i suksesit të reformës së Ilir Beqajt në shëndetësi, reformë e cila ka verbuar mediat dhe qytetarët. Gjithsesi, emri i Ilir Beqajt tashmë është bërë sinonim i Check-Up-it të tmerrshëm.

Çfarë fshihet pas Check-Up-it? Çfarë po ndodh me Check-Up-in? Ministri deklaroi se produkti i Check-Up-it ishte matja e tensionit të disa burrave. Pra, 150 milionë euro për të matur tensionin. Tensioni matet falas në çdo shtëpi, në çdo fshat, në çdo urgjencë. Si mund t?u grabiten shqiptarëve 150 milionë USD për t?u matur tensionin 15 përqind të grupmoshës 40-65 vjeç? Si mund t?i falen një kompanie 150 milionë USD për të matur tensionin z. ministër? Pse nuk i orientove këto para për blerjen e ilaçeve për sëmundjet e rënda? Si mund t?i besosh shëndetin e qytetarëve një kompanie, e cila merret me tregtimin e duhanit dhe alkoolit z. ministër? A mund të justifikohet i gjithë ky paradoks me alibinë se PD po të baltos ty? Me ç?lak interesash të palidhur Vilma Nushi z. ministër? Pse nuk po zbatohet kontrata? Në bazë të kontratës, koncorsiumi ?3P Life Logistic?, i përbërë nga kompanitë ?Marketing & Distribution? dhe ?Trimed? duhej që në të gjithë vendin të ndërtonte 18 laboratorë, me qëllim kryerjen e analizave në kuadër të kontrollit shëndetësor falas (Check-Up). Sa laboratorë ka ngritur kompania z. ministër i Shëndetësisë? Jo për të matur tensionin, por për të bërë analiza.

A po i jepni ju laboratorët shtetërorë kompanisë z. ministër, duke i ndarë paratë bashkë? Sa qytetarë të grupmoshës 40-65 vjeç janë kontrolluar ?falas?? A keni një bilanc serioz, përpos shifrës së matjes së tensionit z. ministër? Sigurisht që nuk presim përgjigje nga ju z. ministër.





Lajmet e fundit nga