E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

BE, Hungaria dhe refugjatët

10 Tetor 2015, 05:06, Kosova & Bota CNA

Amnesty International ka akuzuar Hungarinë për shkeljen e ligjeve të shumta ndërkombëtare dhe evropiane të të drejtave të njeriut në trajtimin e krizës së refugjatëve. Mijëra emigrantë dhe refugjatë vazhdojnë të kalojnë çdo ditë nëpër Ballkan dhe në Hungari.

Muajin e kaluar më shumë se 50 trena si ky ? secili me më shumë se 1000 emigrantë – kanë mbërritur në kufi të Kroacisë me Hungarinë. Një gardh i ri është duke u ndërtuar në anën hungareze të kufirit. Derisa të përfundojë, këta emigrantë janë duke u lejuar të vazhdojnë të kalojnë për të shkuar në Austri.

Gjatë pritjes së homologut të tij kroat në Budapest të mërkurën, János Adër, presidenti i Hungarisë mbrojti trajtimin e krizës së refugjatëve të vendit të tij.

“Ne ramë dakord se kjo krizë është një çështje humanitare, kriminale dhe çështje e sigurisë kombëtare.”

Presidentja e Kroacisë Kolinda Grabar – Kitaroviç, mbështeti thirrjen e Hungarisë për kontrolle më të forta kufitare në të gjithë Evropën.

?Ne duhet ta dimë kush kalon kufirin e një vendi dhe përse. Kufijtë duhet të kontrollohen vazhdimisht në mënyrë që kalimet e paligjshme të mos shqetësojnë rendin.”

Grupi i të drejtave të njeriut Amnesty International thotë se Budapesti ka shkalur dy ligjet ndërkombëtare të të drejtave të njeriut dhe legjislacionin e Bashkimit Europian.

“Nga mbyllja e kufirit hungarez me Serbinë, dhe nga futja e procedurave të përshpejtuara për azil në kufi, Hungaria rezulton në refuzimin e të gjithë aplikantëve dhe kthimin e tyre në Serbi, vend që nuk ka mjete të mjaftueshme strehimi për refugjatët. Ne jemi të shqetësuar për faktin se Hungaria po e bën krim kalimin e kufirit duke ngritur gardhin kufitar,” thotë Barbara Cernukovska, e Amnesty International.

Amnesty International thotë se policia hungareze përdori forcë të tepruar kundër emigrantëve pasi Hungaria mbylli kufirin e saj Serbinë muajin e kaluar.

Grupet e të drejtave të njeriut thonë se kriza e refugjatëve ka nxjerrë në pah përçarjen e Evropës mbi emigracionin. Duke iu drejtuar Parlamentit Evropian të mërkurën, kancelarja gjermane Angela Merkel bëri thirrje për unitet:

“Nëse duam t?i zgjidhim këto çështje, Bashkimi Evropian nuk duhet të veprojë i nisur nga ndjenja nacionaliste.?

Ministrat e BE-së ranë dakord të enjten të përshpejtojnë dëbimet e azilkërkuesve të refuzuar.

Ata shpresojnë të frenojnë valën e mijëra emigrantëve ekonomikë që arrijnë së bashku me refugjatët që ikin nga lufta dhe persekutimi.