web counter
LEXO PA REKLAMA!

SHKARKO APP

App Store
Google Play

Rama-Basha takim ne Vjene?

29 Shtator 2015, 10:15, Aktualitet CNA

Ka shumë spekulime kohët e fundit, se Rama e Basha janë duke bashkëpunuar në aferën CEZ, kundër Ilir Metës dhe Sali Berishës. Por, Nikollë Lesi ka shkuar më larg.

Ai shkruan sot te ?Koha Jonë?, se Rama dhe Basha janë takuar në Vjenë.

?Udhëtimi është përgatitur e sajuar për bukuri, pas një jave pushimi të Edi Ramës në ishullin e Sardenjës, bashkë me miliarderin e njohur Samir Mane.

Kryeministri shqiptar, Rama ka qenë me siklet të madh sepse i duhej të digjte Ilir Metën dhe ka menduar reagimin e kryeparlamentarit.

Ka menduar se mund të rrëzohet si mazhorancë, e ndaj ka kërkuar një garanci ndërkombëtare që PD-ja do ta gjejë pretekstin e mbështetjes së qeverisë së tij në Parlament, me argumentin se bëhet në emër të dekriminalizimit dhe reformimit të sistemit të drejtësisë. Pra, PD të mos e rrëzojë si kryeministër. Më saktë një qeveri PS-PD.

Informacionet tregojnë se ka rënë dakord që kjo të mos bëhet kaq hapur, sepse rrezikon prestigjin e kryeministrit tek e majta dhe në popull.

Ndaj, Partia Demokratike do ta sulmojë përsëri Edi Ramën në media, sa për sy e faqe, por sulmi direkt të jetë mbi kreun e parlamentit Ilir Meta. Mjafton vetëm që Ramës të mos i kërkojnë dorëheqje nga posti.

Basha dhe Rama janë takuar në Vjenë (Austri), në prezencën e miliarderit si negociator. Nuk dihet tamam se çfarë është folur, por rezultatet e këtyre javëve të fundit po tregojnë se kanë bërë pazar të madh. Ndaj, duket se Ilir Meta po reagon fort, se ka mësuar pazarin e Edi Ramës dhe Lulzim Bashës në Vjenë,? shkruan Lesi në gazetën e tij.

Për momentin duket si një skenar filmash, që iu shtohet spekulimeve të shumta që kanë nisur që në verë dhe vijojnë më me forcë këto ditë.





Lajmet e fundit nga