web counter
LEXO PA REKLAMA!

SHKARKO APP

App Store
Google Play

E fundit!

x

PD: Veliaj inkriminon Bashkinë e Tiranës me emërimet në administratë

26 Shtator 2015, 10:12, Aktualitet CNA

Partia Demokratike ka denoncuar emërimet në Bashkinë e Tiranës.

Në një deklaratë për media ditën e sotme anëtari i Këshillit Bashkiak, Fabian Topallaj  është shprehur se Veliaj po ndjek shembullin e Ramës.

Sipas tij, Drejtori i Parkut të Ujësjellësit Tiranë, Eqrem Braçe ka palgosur me armë dy qytetarë.

Deklarata e plotë.

?Nën modelin Rama që pushteti jo vetëm merret por dhe mbahet me njerëz të inkriminuar, ka ri-rilindur tashmë edhe Bashkia e Tiranës me kryetar, Erjon Veliajn.

Një nga emerimët e para të Veliajt në drejtorinë e Ujësjellës Kanalizime Tiranë, specifikisht në pozicionin e Drejtorit të Parkut të Ujësjellësit Tiranë, është graduar Eqrem Braçe, i cili në maj 2014, edhe pse zv-kryetar i Komunës Levan, plagosi me armë pa leje 2 qytetarë në mes të dites në rrugën nacionale Fier ? Levan.

Sikur të mos mjaftonte inkriminimi i administratës shtetërore, inkriminimi i parlamentit shqiptar, kriminalizimi i zgjedhjeve vendore me kandidatë të lidhur me bandat e trafikun e drogës, edhe Erjon Veliaj po jep kontributin e tij në projektin e Rilindjes së administratës shtetërore me shkarkimin e punonjësve të Bashkisë Tiranë dhe zëvendësimin e tyre me kriminelë të afirmuar.

Mesa duket Veliaj nuk ka kohë që për emërimet e tij të bëjë të paktën një kërkim të thjeshtë në google ku rezulton se drejtori i tij Eqrem Braçe ka probleme të forta me ligjin.

Nuk ka kohë  Veliaj se është i zënë me shkatërrimin përfundimtar të administratës së Bashkisë duke shkarkuar përditë dhjetra nëpunës që prej vitesh janë pjesë e administratës publike.

Dje Veliaj ka shkarkuar në mënyrë krejt abuzive nga puna nënën e 4 fëmijëve zonjën Vjoleta Geca , e cila në përpjekje për ta takuar punëdhënësin e saj është konfrontuar fizikisht me Erjon Veliajn dhe shefen e kabinetit të Veliajt.

I bëjmë thirrje Veliajt të ndërpresë valën e shkarkimeve abuzive nga puna të nëpunesve të ndershëm dhe zëvendësimin e tyre me njerëz të inkriminuar, sepse numri i shpullave që Veliaj do marrë nga padrejtësitë që shkakton, shumë shpejt mund tia kalojë numrit të shpullave që ai përdor për propaganda?, përfundon Kapllanaj.





Lajmet e fundit nga