Armando Prenga: Partia Socialiste po më bën kokë ‘turku’!

6 Shtator 2015, 17:53, Aktualitet CNA

Deputeti socialist Armando Prenga, përmes një deklarate të autorizuar për avokatin e tij, është shprehur se partia e tij po e bën kokë ?turku?, nisur nga vendimi për t?a përjashtuar nga Grupi Parlamentar. Ndërkohë ai ka sqaruar versionin e tij të ngjarjes.

Prenga deklaron se makina me të cilin udhëtonte është ndaluar nga një person i familjes Cali, i cili mbante në dorë një thikë me të cilën e kërcënonte dhe për vetëmbrojtje deputeti ka qëlluar një herë në ajër. ?Pas këtij momenti komunikova me vëllanë që të bënte denoncim,unë u nisa për sqarim tek lokali?,- thote ai.

Pas atij momenti, Prenga thotë se ka shkuar për sqarime tek Cali por nuk e ka gjetur në lokalin tek Laguna e Patokut e nga aty është kthyer në Kurbin, në lokalin e tij. Ka qenë pikërisht në lokalin e tij kur ka mësuar se afër komisariatit ka ndodhur sherri mes vëllait të tij dhe pjesëtarëve të tjerë të familjes Cali, të cilët sipas Prengës, i kishin zënë pritë vëllait të tij, që kishte shkuar në komisariat për denoncim.

Deputeti nuk e përjashton mundësinë se ata (pjestarët e fajmiljes Cali) mund të jenë vetëqëlluar me armë pas konfliktit.

Deputeti më tej akuzon familjen Cali për kërcënime dhe dhunë ndaj familjes së tij, ndërkohë për kolegët e PS-së shprehet se ndjen keqardhje, pasi sipas tij ata janë nxituar duke e perjashtuan nga partia dhe kërkuar heqjen e imunitetit të tij.

?E gjej veten sot pasi më është bllokuar rruga, kërcënuar jeta pasi familja ime u gjakos. Madje roja i Lagunës, sot më datë 06.09.2015 është dhunuar barbarisht nga të afërm të familjes Cali në Lagunë dhe si po i fryhet këtij zjarri nga pozita dhe opozita po u jepet shkak dhe rrugë tragjedive të pa menduara dhe të pa kontrolluara duke u mos mjaftuar koka ime që partia ime ma ka futur në gijotinë. Madje dhe politika si pozita dhe opozita nuk kanë thënë asgjë se vëllai im dhe shokët e tij po u kullojnë plagët gjak dhe në vend që të normalizojnë situatën, shteti dhe opozita po i fusin benzinë zjarrit që
të shtojnë gjakderdhjet si rasti i sotmi. Është i vërtetë që familja Cala ka pretendime dhe një konflikt gjyqësor në lidhje me një përfundim kontratë qiraje në Lagunën e Patoti. Por këtë e ka me institucionet shtetërore dhe jo me familjen time. Sidoqoftë dhe çfarë do qoftë pretendimi i tyre kjo nuk justifikon që të agresojnë në këtë mënyrë mua dhe familjen time. Nga ana tjetër unë nuk do të lejoj askënd që të shfrytëzojnë një sherr dhe një konflikt banal, shkaktuar nga injoranca e pretenduesve të familjes Cara, të cilët janë agresorë të dhunshëm mbi mua dhe familjen time; që të ndërtojë sot një skenar për të njollosur emrin tim; për të devijuar pistën e hetimit dhe për të bërë propagandë dhe
politikë me një ngjarje si kjo dhe në një gjakderdhje. Durimi im dhe respekti im për ligjin nuk duhet të keqkuptohet nga askush se qenka e lehtë t?ja lëshojmë Armandit dhe familjes në dorë të agresorëve. Ndjejë keqardhje për kolegët e mi të Partisë Socialiste që i lejuan vetës që të nxitonin dhe i bëj thirrje që të respektojnë të drejtat e njeriut dhe nuk dua të respektojnë Armando Prengën, sepse kjo që po ndodh mbi mua dhe familjen time është shkelje flagrante dhe të drejtave universale e të drejtave të njeriut. E përsëris, jam sulmuar, jam agresuar, jam gjakosur si familje dhe po mbahem i akuzuar për se jam vetëmbrojtur. Askush nuk do të lajë dot ndërgjegjen duke bërë Armando Prengën kokë turku. Është detyrim dhe përgjegjësi e organeve të hetimit dhe drejtësisë që të rikthehet urgjentisht tek ligji dhe t?i referohen vetëm ligjit, pa ndikime dhe pa i shërbyen ndonjë skenari e aq më pak ti nënshtrohen presionit të një PDje që të vetmen strategji që ka, të dobësojë mazhorancën me instrumentalizime të kësaj natyre?,- thotë Prenga në deklaratën e tij.