web counter
LEXO PA REKLAMA!

SHKARKO APP

App Store
Google Play

Gjergj Bojaxhi shpall në shtator partinë e re politike

12 Gusht 2015, 07:07, Aktualitet CNA

Në fillim të muajit shtator, që përkon me nisjen e sesionit të ri parlamentar, e djathta shqiptare do të nisë një sprovë për krijimin e forcës së re politike, me synimin për ta kthyer në forcën kryesore opozitare.Muaji shtator pritet të sjellë zhvillime të tjera në të djathtën shqiptare. Bëhet fjalë për shpalljen e një partie të re politike, partie të djathtë, me protagonist kryesor Gjergj Bojaxhi. Pas testit të suksesshëm, ku rezultati i Gjergj Bojaxhi si kandidat i pavarur u konsiderua edhe si surpriza e zgjedhjeve të 21 Qershorit, ish-eksponenti i PD ka intensifikuar lëvizjet dhe takimet për shpalljen e partisë së re politike, e cila do të marrë pjesë në sfidën e zgjedhjeve parlamentare të 2017.

Prej disa javësh, Bojaxhi ka intensifikuar kontaktet me figura të së djathtës shqiptare, përfaqësues të shoqërisë civile, me botën akademike dhe faktorë të tjerë në shoqërinë shqiptare, në kuadër të formalizimit të lëvizjet së re politike. Ndërkaq, burime nga bashkëpunëtorët e Bojaxhi kanë bërë me dije se do të ketë surpriza sa i takon figurave dhe eksponentëve, që do t?i bashkohen lëvizjes së re politike. Bojaxhi i ka ftuar për t?u bërë pjesë e partisë së re deputetë të Partisë Demokratike, ish-deputetë të PD, eksponentë të kësaj partie, figura të mënjanuara ndër vite, ish-KOP-istë të PD, përfaqësues të saj vendorë etj. Disa ish-deputetë dhe themelues të Partisë Demokratike mësohet se i janë përgjigjur ftesës së Bojaxhi, për t?u bërë pjesë e projektit të ri politik, në një kohë kur e djathta shqiptare po përjeton një krizë në drejtim dhe rezultate.

 





Lajmet e fundit nga