web counter
LEXO PA REKLAMA!

SHKARKO APP

App Store
Google Play

Gjermanët trupa speciale për sigurinë e Merkelit, Berlini mosbesues ndaj qeverisë shqiptare

8 Korrik 2015, 06:10, Aktualitet CNA

Gjermanët nuk do t?ua besojnë autoriteteve shqiptare sigurinë e kancelares, Angela Merkel. Strukturat e sigurisë dhe shërbimet inteligjente shqiptare do të kenë në rol periferik dhe dytësor në garantimin e jetës së kancelares gjermane, Angela Merkel, gjatë vizitës katër orëshe në Tiranë, vizitë kjo e konsideruar si historike dhe me rëndësi të shumëfishtë.

E përditshmja ‘Sot’, shkruan se më Tiranë dhe Beograd kanë zbarkuar prej disa ditësh pjesëtarë të shërbimit inteligjent ?BND?, për të parë terrenin dhe siguruar mbarëvajtjen e vizitës së para të Merkel në Tiranë, sidomos për të garantuar sigurinë fizike të kancelares. Ndonëse autoritetet shqiptare kanë angazhuar mijëra policë, agjentë të shërbimeve sekrete dhe forca të ushtrisë, Berlini ka vendosur të marrë masa shtesë për vizitën e kancelares gjermane, duke vendosur shërbimin e tij sekret në vijën dhe rrethin e parë të sigurisë. Ndërsa policia shqiptare dhe shërbimet informative do të blindojnë çdo hapësirë të kryeqytetit shqiptare dhe akset ku do të kalojë eskorta e kancelares, shërbimi inteligjent gjerman do të ketë rol kryesor për sigurinë e Angela Merkel. Sipas burimeve, agjentët e shërbimit inteligjent gjerman kanë zënë pozicionet strategjike në Tiranë, të kamufluar në mënyrë të ndryshme, në kuadër të zbatimit të masave të sigurisë për vizitën e kancelares gjermane. E njëjta strategji do të zbatohet edhe në Beograd, çka konfirmon një mungesë besimi të autoriteteve gjermane tek kapacitetet dhe profesionalizimi i shërbimeve në Serbi dhe Shqipëri.





Lajmet e fundit nga