web counter
LEXO PA REKLAMA!

SHKARKO APP

App Store
Google Play

Te pandehurit ne gjyqin e "xhihadisteve": Mbahemi padrejtesisht ne burg

7 Korrik 2015, 11:37, Kronika CNA

Të pandehurit e akuzuar nga Prokuroria se kanë rekrutuar luftëtarë për në Siri, kanë vijuar edhe këtë të martë në Gjykatën e Krimeve të Rënda të deklarojnë se nuk kanë kryer asnjë akt terroriste dhe po mbahen padrejtësisht në burg. Kjo deklaratë është bërë nga i pandehuri Gert Pashja, i cili tha para gjykatës se i vetmi shkak që ata mbahen të arrestuar është se janë besimtarë myslimanë. Në të njëjtën linjë ishin edhe të pandehurit e tjerë Fadil Myslimani dhe Bujar Hysa. Ata kanë deklaruar se pavarësisht goditjeve që u janë dhënë besimtarët myslimanë vazhdojnë të shtohen. Seanca ka patur momente tensioni sa që gjykata ka nxjerrë jashtë procesit të pandehurin Bujar Hysa gjë që solli edhe ndërprerjen e procesit. Më herët me kërkesë të prokurorisë në gjykatë dëshmuan Edi Halili, Artur Balla, Dionis Qevani dhe Mersin Allkoci. Të katër dëshmitarët ishin të thirrur nga akuza, por asnjëri prej tyre nuk ka vënë gishtin mbi të pandehurit, për të pohuar se ata i kishin dashur t?i dërgonin në Siri I pari dëshmoi në gjykate dëshmitari Edi Halili nga Pogradeci. Ai pohoi se kishte humbur lidhjet me të vëllanë Erjon Halili që në vitin 2012. Dy muaj pasi ishte larguar, Halili tha se kishte kontaktuar me vëllanë në telefon dhe i kishte thënë se ndodhej në Gjermani. Më pas dëshmitari tregoi se kishte mësuar nëpërmjet Facebook se i vëllai ishte vrarë në Siri nga një shok i tij. Por dëshmitari pohoi në gjykatë se nuk njihte asnjë nga të pandehurit dhe kishte mësuar për ta vetëm në media. Më pas para gjykatës dolën edhe tre dëshmitarët e tjerë të cilët pohuan se kishin njohje me të pandehurit por kjo për shkak të besimit. Seanca e radhës u la për në 21 korrik pasi gjykata mori parasysh kërkesën e te pandehurve të cilët kërkuan shtyrje për shkak të muajit të Ramazanit.





Lajmet e fundit nga