E fundit!

10:15 Kronika

E rëndë në Kukës/ Efektivi vetëvritet me armë në varrezat e fshatit

Një ngjarje e rëndë ka ndodhur në Morinë të Kukësit. Në v...

Shkaqet e dridhjes së qërpikut

29 Qershor 2015, 20:00, Lifestyle CNA

Dridhja e qerpikut është një fenomen që ndryshe njihet si miokimi dhe ndodh për shkak të tkurrjes spontane të muskujve të vegjël të vendosur në qerpikë. Ky është një fenomen që lind për shkak të irritimit të mbaresave nervore, të cilat irritojnë muskujt dhe më së shpeshti kalon vetvetiu pas një apo tri javësh.

Në lidhje me këtë fenomen ekzistojnë disa faktorë që ndikojnë në parandalimin e tij:

Stresi

Stresi është shkaktari kryesor i dridhjes së qerpikut., i cili mund të zgjasë një javë ose më shumë deri sa të zgjasë periudha e stresit. Mësojini disa teknika të relaksimit, bëni ushtrime, flini më shumë dhe organizohuni më mirë.

Kafeja

Ekspertët pohojnë se kafeina mund të jetë një ndër stimulanset që shkaktojnë dridhjen e qerpikut. Nëse keni shtuar sasinë e kofeinës, do të ishte mirë që ta zvogëloni atë. Keni kujdes në marrjen e lëngjeve, prandaj me kafe gjithmonë pini një gotë ujë.

Mungesë e magnezit

Mungesa e mineraleve, më së shpeshti magnezit, mund të sjellë deri tek miokimia. Hani spinaq, bajame dhe arra, ose merrni suplemente të këtij minerali.

Sytë e thatë

Sytë e thatë tej mase mund të jenë si pasojë e mplakjes, mbajtjes së thjerrëzave apo edhe të thahen si pasojë e marrjes së disa barërave të caktuara. Përdorni lot artificialë ose lagni sytë me ujë të ftohtë të pastër.

Tendosja e syrit

Shumë shprehi sjellin deri tek tendosja e syve dhe dridhja e qerpikëve. Disa nga fajtorët më të shpeshtë: mosmbajtja e syzeve gjatë ditëve me diell, mosmbajtja e syzeve me dioptri të drejtë, shikimi i gjatë në kompjuter ose telefon mobil. Sytë duhet që të pushojnë mirë!

Shtangia e nofullës ose kërcitja e dhëmbëve

Shumë njerëz shtangin nofullën ose kërcasin dhëmbët, posaçërisht në gjumë dhe kjo quhet bruksizëm. Dentisti do t?ju tregojë nëse kjo është duke ndodhur edhe me juve, dhe në këtë rast duhet që të mbani mbrojtëse për dhëmbët. Në ndërkohë bëni masazh të lehtë nofullës nga jashtë dhe brenda.

Shkaktarët e tjerë potencialë

Hipoglikemia, sëmundja e Parkinsonit, sindroma Turetov dhe problemet neurologjike, gjithashtu mund të shkaktojnë dridhjen e qerpikëve. Nëse keni provuar të gjitha këshillat e cekura më lartë, dhe dridhja edhe më tej vazhdon, vizitoni mjekun për kontroll!