web counter
LEXO PA REKLAMA!

SHKARKO APP

App Store
Google Play

Ja rezultati i zgjedhjeve për Lezhën, Shkodrën dhe Kukësin

25 Qershor 2015, 10:13, Aktualitet CNA

Ndërsa po viijon procesi i numërimit për disa bashki në vend, në disa të tjera tashmë janë konfiguruar dhe shpallur bashkiakët e rinj që do të qeverisin lokalisht për 4 vitet e ardhshme.

Qarku Kukës

Kështu në qarkun Kukës kanë përfunduar së numëruari të gjitha kutitë, ku për Këshillat bashkiakë rezulton se Partia Demokratike ka marrë 5407 vota, Partia Socialiste 2539 vota, Lëvizja Socialiste për Integrim 2369 vota. Ndërkohë në bashkinë Has ka fituar kandidati i ASHE, Adem Lala me 4884 vota. Në bashkinë  Kukës ka fituar kandidati demokrat Bashkim Shehu me 14303 vota, ndërsa në bashkinë Tropojë ka fituar Besnik Dushaj, kandidat po i së djathtës.

Qarku Lezhë

Në qarkun e Lezhës ende nuk ka përfunduar procesi i numërimit për Këshillat Bashkiakë, por deri në këto momente, kur janë numëruar 223 nga 260 kuti, kemi këto rezultate:PS 7664, LSI 6518 vota ndërsa PD 6237 vota. Ndërkohë kryetar i bashkisë së Lezhës është zgjedhur kandidati i së djathtës  Fran Frrokaj me 21146 vota, ndërsa në bashkitë e Kurbinit dhe të Mirditës kanë rezultuar fitues kandidatët e së majtës, përkatësisht Artur Bardhi dhe Ndrec Dedaj.

Qarku Shkodër

Në qarkun e Shkodrës janë numëruar 4853 nga 5301 kuti dhe deri në këto momente, votat për Këshillin Bashkiak janë si më poshtë:

PS 377213 vota

PD 284217 vota

LSI 234040 vota

Ndërkohë numërimi i votave vijon edhe për kryetaren e bashkisë së Shkodrës, e cila praktikisht është fituesja pasi edhe pse kanë ngelur edhe 2 kuti votimi, ajo i ka fituar votat e nevojshme dhe rezultati nuk mund të ndryshojë.

Në bashkinë e Fushë Arrëzit, pukës kanë fituar kandidatët e së majtës, përkatësisht Fran Tuci, Gjon Gjonaj. Ndërsa në bashkinë e Vaut të Dejes ka rezultuar fitues kandidati demokrat Zef Hila me 9853 vota. Ndërkohë numërimi vijon edhe për Bashkinë e Malësisë së Madhe.

 





Lajmet e fundit nga