web counter
LEXO PA REKLAMA!

SHKARKO APP

App Store
Google Play

E fundit!

x

PD kërkon ç'regjistrimin e Elvis Rroshit/ Eshte i inkriminuar

15 Qershor 2015, 19:25, Aktualitet CNA

Partia Demokratike do të kërkojë ç?regjistrimin në KQZ, të kandidatit të Partisë Socialiste në Kavajë, Elvis Rroshi. Deklarata u bë sot nga Ivi Kaso, përfaqësuesi ligjor i PD-së në Komisionin Qëndror të Zgjedhjeve. Shkak për këtë hap të PD-së, 5 ditë para mbajtjes së zgjedhjeve është e shkuara me rekorde kriminale e Roshit. Lidhur me këtë çështje, Lapsi.al ka shkruar disa herë. Pak ditë më parë ne publikuam vendimin e Gjykatës së Shakëllës së Parë në Kavajë, që e ka dënuar Roshin në vitin 2000 me 2 muaj burg për plagosje.

Kryetari i Bashkisë së Kavajës është një ndër emrat e denoncuar nga opozita si person me precendentë kriminalë. Dyshime janë hedhur se e shkuara e tij kriminale e ka bërë të ndryshojë edhe emrin. Babai i tij do të pohonte pak kohë më parë në një intervistë televizive se ai e kishte emrin Ervin. Kryebashkiaku i Kavajës dhe kandidat i mazhorancës për një mandat të dytë rezulton i dënuar në vitin 2000 nga Gjykata e Shkallës së Parë të Kavajës. Ai është dënuar në mungesë për plagosje me dashje. Ky dokument vërteton se prokuroria ka kërkuar dënimin me 2 muaj burg për plagosje dhe armëmbajtje pa leje për Ervin Rroshin, të birin e Azemit dhe Nasijes, i datëlindjes 1979, lindur dhe banues në Kavajë, i papunë dhe me arsim të mesëm.

Vendimi është dhënë nga gjyqtari Osman Aliu dhe anëtarët Astrit Haxhialushi dhe Arben Mullaj me 18.09.2000. Avokati mbrojtës në seancë ka qenë Luan Mansaku, ndërsa prokurori Musa Mulkurti. Opozita ka hedhur dyshime se Roshi figuron të ketë pasur probleme me drejtësinë edhe në Itali. Por deri tani këto pretendime nuk janë vërtetuar. Me këtë dokument vërtetohet vetëm se ai është dënuar nga gjykata në Shqipëri, me gjobë, për plagosje dhe armëmbajtje pa leje.





Lajmet e fundit nga