web counter
LEXO PA REKLAMA!

SHKARKO APP

App Store
Google Play

E fundit!

x

Raporti i dytë i SHBA: Tirana në duart e bandave, po vidhen pasaportat e amerikanëve, ja zonat e rrezikshme

22 Maj 2015, 06:51, Aktualitet CNA

Shtetet e Bashkuara të Amerikës, në një raport të dytë për kriminalitetin në Shqipëri, japin alarmin për kontrollin e kryeqytetit shqiptar nga organizatat mafioze. Vetëm disa ditë më parë, Byroja e Sigurisë Diplomatike pranë Departamentit Amerikan të Shtetit, konfirmoi shpërthimin e krimit në Shqipëri dhe korrupsionin në polici. Tashmë Byroja e Çështjeve Konsullore po pranë DASH del me disa konstatime edhe më të zymta.

Në një raport për situatën në Shqipëri, thuhet se Tirana është kthyer në një vend të rrezikshëm për të jetuar dhe për t?u vizuar, për shkak të rritjes së krimit dhe dominimit nga bandat mafioze. Gjithashtu theksohet se në baret dhe klubet e Tiranës ndodhin përplasje të armatosura mes organizatave rivale, duke konfirmuar inekzistencën e policisë.

?Papunësia e lartë dhe faktorë të tjerë ekonomikë, nxisin dhe inkurajojnë aktivitetet kriminale. Tregoni kujdes dhe mbroni të mirat tuaja materiale në qytetin e Tiranës. Statistikat e krimit tregojnë një rritje të qëndrueshme të krimit të dhunshëm në të gjithë Shqipërinë që nga viti 2009. Krimi i organizuar është i pranishëm në Shqipëri dhe herë pas here çon në konfrontime të dhunshme mes anëtarëve të organizatave rivale.

Kujdes duhet të tregohet në baret apo klabet e Tiranës, pasi kanë ndodhur përplasje të dhunshme mes organizatave kriminale, madje me përdorim edhe të armëve të zjarrit?, thuhet në raportin e DASH, përmes të cilit jepen informacione për të gjithë ata qytetarë amerikanë që kërkojnë të vizitojnë Shqipërinë.

  Vjedhja e pasaportave   

Përveç ekzistencës së bandave kriminale, një problem tjetër shqetësues në Shqipëri sipas raportit, janë edhe vjedhjet. DASH u ka bërë thirrje qytetarëve amerikanë që të ruhen nga xhepistët dhe hajdutët në Shqipëri, pasi shprehet se janë prezentë në shumë zona, sidomos në kryeqytet. ?Xhepistët, hajdutët e zakonshëm, dhe krime të tjera të vogla të rrugës janë të përhapura kryesisht në zonat ku të huajt dhe turistët mblidhen. Xhepistët përdorin teknika të ndryshme për të hutuar viktimën, madje edhe lypësit, specifikisht fëmijët, mund të bëhen shumë agresivë. Qytetarët amerikanë kanë raportuar vjedhje të pasaportave dhe mjeteve elektronike nga këta xhepistë. Viktimat e xhepistëve duhet të raportojnë krimin në polici dhe të bllokojnë kartat e kreditit sa më shpejt të jetë e mundur?, vijohet më tej.

  Vjedhjet e automjeteve 

Gjithashtu theksi është vendosur edhe tek vjedhja e automjeteve, ku thuhet se ky është një fenomen mjaft i përhapur në Shqipëri. Gjithashtu është deklaruar se ka pasur shumë raste kur të huajve u janë vjedhur sendet me vlerë në makinë. ?Vjedhja e automjeteve apo të sendeve që keni në to, është shumë e përhapur në Shqipëri. Ju duhet të shmangni lënien e gjërave me vlerë, telefonave dhe sendeve elektronike, në një fushëpamje direkte në makinë dhe duhet të siguroheni që të mbyllni mirë dyert dhe dritaret e mjetit. Në rast se dikush tenton t?ju vjedhë makinën, duhet të mos bëni absolutisht rezistencë?, janë këshillat e DASH. Sipas raportit të Byrosë së Çështjeve Konsullore, një tjetër problem në Shqipëri janë dhe vjedhjet e kartave bankare. Po ashtu qytetarëve amerikanë u është thënë që të bëjnë kujdes kur futen në qendra interneti. ?Udhëtarët duhet të marrin masat standarde të sigurisë përpara se të përdorin ATM. Përdorni ATM brenda bankave dhe kontrolloni për ndonjë ndërhyrje të dukshme të bëra në to përpara se t?i përdorni. Tregohuni shumë të kujdesshëm në rastet e përdorimit të qendrave publike të internetit, të tilla si internet kafe, pasi pasuordet apo të dhënat personale janë subjekte të komprometimit?, thuhet në raport. Sipas tij të rrezikshëm janë edhe hotelet, pasi në shumë raste mund të vidhen sende me vlerë.

Korrupsioni

Ashtu si në raportin e Byrosë së Sigurisë Diplomatike, edhe në raportin e Byrosë së Çështjeve Konsullore një vëmendje e veçantë i është vënë korrupsionit. Në raport është theksuar se në shumë rajone të Shqipërisë, përveç krimit shqetësues është edhe korrupsioni. ?Aktiviteti i organizuar kriminal dhe korrupsioni ndodhin në shumë rajone të Shqipërisë. Policia dhe mediat shpesh raportojnë incidente sporadike të dhunës?, është shprehur DASH.

Lazarati

Edhe pse policia ndërhyri në Komunën e Lazaratit duke i dhënë fund kultivimit të lëndëve narkotike, për amerikanët kjo zonë vijon të mbetet tepër e rrezikshme. Sipas raportit, edhe pse situata është përmirësuar, ajo sërish vijon të jetë e rrezikshme. Gjithashtu janë kritikuar aftësitë e forcave të rendit. ?Punonjësve të qeverisë amerikane aktualisht u ndalohet të udhëtojnë në qytetin jugor të Lazaratit, i cili historikisht ka qenë një nga rajonet më të mëdha të prodhimit të marijuanës në Evropë. Në qershor 2014 policia kreu një operacion kundër narkotikëve në shkallë të gjerë në Lazarat që zgjati për disa ditë. Gjatë operacionit, policia u sulmua me armë zjarri nga banorë të cilët kishin përfitime financiare nga kultivimi i marijuanës. Situata e sigurisë është përmirësuar që nga operacioni i qershorit, por gjithsesi mbetet e paqëndrueshme. Aftësia e policisë për të mbrojtur dhe ndihmuar udhëtarët pranë Lazaratit është ende e kufizuar?, thuhet në raport.

Protestat 

Një tjetër shqetësim që shprehet në raportin e SHBA janë dhe protestat apo demonstratat që zhvillohen në vendin tonë. Sipas tij, në mjaft raste janë shënuar konfrontime dhe ka pasur edhe viktima, prandaj ka këshilluar shmangien e zonave ku ka të tilla aktivitete. ?Demonstratat publike në Shqipëri janë të shpeshta, madje nuk janë të rralla rastet kur ndodhin edhe pa asnjë paralajmërim. Demonstratat mund të shkaktojnë shqetësime serioze të trafikut, ose bllokimin e objekteve publike. Edhe pse shumica e demonstratave janë paqësore, në demonstratat e kaluara ka pasur përdorim dhune e cila ka rezultuar në vdekje dhe plagosje të shumta, duke përfshirë zyrtarë shqiptarë të Policisë së Shtetit?, thuhet në raportin e Byrosë së Çështjeve Konsullore. Ky raport është publikuar pak kohë më parë në faqen online të këtij organi, ku jepen informacione për shtetet, mes të cilave edhe për Shqipërinë. Pra përmes këtij raporti vendi ynë cilësohet i rrezikshëm dhe amerikanëve u bëhet thirrje të tregohen të kujdesshëm./sot.com.al





Lajmet e fundit nga